ஜூனியர் சூப்பர் கிங்ஸ் சார்பில் சென்னை மண்டல பள்ளி அணிகளுக்கான 20 ஓவர் கிரிக்கெட் போட்டி சென்னை வேளச்சேரியில் உள்ள குருநானக் கல்லூரி மைதானத்தில் நடந்து வந்தது. இதில் நேற்று நடந்த இறுதிஆட்டத்தில் ராமச்சந்திரா பப்ளிக் பள்ளி- பி.எஸ்.பி.பி. மில்லேனியம் அணிகள் மோதின. 'டாஸ்' ஜெயித்து முதலில் பேட் செய்த ராமச்சந்திரா அணி 8 விக்கெட்டுக்கு 120 ரன்னில் கட்டுபடுத்தப்பட்டது. ஓம் நிதின் 3 விக்கெட்டும், விஷால் 2 விக்கெட்டும் சாய்த்தனர். அடுத்து களம் இறங்கிய பி.எஸ்.பி.பி. மில்லேனியம் அணி 15.5 ஓவர்களில் 2 விக்கெட்டுக்கு 124 ரன்கள் எடுத்து 8 விக்கெட் வித்தியாசத்தில் வெற்றி பெற்று, சாம்பியன் கோப்பையை தட்டிச் சென்றது. அதிகபட்சமாக ஓம் நிதின் 37 ரன்களும், ரோகித் 35 ரன்களும் எடுத்தனர். ஆல்-ரவுண்டராக ஜொலித்த ஓம் நிதின் ஆட்டநாயகன் மற்றும் தொடர்நாயகன் விருதை பெற்றார். பின்னர் நடந்த பரிசளிப்பு விழாவில் இந்திய கிரிக்கெட் வீரர் டி.நடராஜன் பரிசுகளை வழங்கினார்.