உலகக்கோப்பை இறுதிப்போட்டியில் தோல்வி: இந்திய அணிக்கு முதல் அமைச்சர் மு.க.ஸ்டாலின் ஆறுதல்!

சென்னை,

50 ஓவர் உலகக்கோப்பை கிரிக்கெட் தொடரின் இறுதிப்போட்டி அகமதாபாத் மைதானத்தில் இன்று நடைபெற்றது. இதில் இந்தியா- ஆஸ்திரேலியா அணிகள் மோதின. இந்த ஆட்டத்தில் ஆஸ்திரேலிய அணி 6 விக்கெட் வித்தியாசத்தில் இந்திய அணியை வீழ்த்தி 6-வது முறையாக கோப்பையை கைப்பற்றியது.

இந்த நிலையில், உலகக்கோப்பையை வென்றுள்ள ஆஸ்திரேலிய அணிக்கு முதல் அமைச்சர் மு.க.ஸ்டாலின் வாழ்த்து தெரிவித்துள்ளார். இது தொடர்பாக அவர் தனது எக்ஸ் தளத்தில் கூறியதாவது;

"உலகக் கோப்பையில் அபார வெற்றி பெற்ற ஆஸ்திரேலியாவுக்கு வாழ்த்துகள். அரையிறுதி வரை தோற்கடிக்க முடியாத ஆட்டத்தை வெளிப்படுத்தி, இறுதிப் போட்டிக்கு முன்னேறிய இந்திய அணிக்கு பாராட்டுக்கள்."இவ்வாறு அவர் தெரிவித்துள்ளார்.