ஐபிஎல் தொடரில் சென்னை சூப்பர் கிங்ஸ் அணிக்காக விளையாடிய வேகப்பந்து வீச்சாளர் ஈஸ்வர் பாண்டே சர்வதேச கிரிக்கெட் மற்றும் முதல் தர கிரிக்கெட் போட்டியிலிருந்து ஓய்வு பெறுவதாக அறிவித்துள்ளார்.

75 முதல் தர போட்டிகளில் 263 விக்கெட்டுகளை வீழ்த்தியுள்ளார். ஐபிஎல் தொடரில் சிஎஸ்கே, ரைசிங் புனே சூப்பர்ஜெயண்ட்ஸ் மற்றும் புனே வாரியர்ஸ் அணிகளுக்காக விளையாடிய ஈஸ்வர் 25 போட்டிகளில் 18 விக்கெட்டுகளை வீழ்த்தினார்.

ஓய்வு குறித்து ஈஸ்வர் பாண்டே தனது இன்ஸ்டாகிராம் பக்கத்தில் கூறியுள்ளதாவது ;

இன்றைய நாள் வந்துவிட்டது, கனத்த இதயத்துடன், நான் சர்வதேச மற்றும் முதல் தர கிரிக்கெட்டில் இருந்து ஓய்வு பெற முடிவு செய்துள்ளேன். இந்த நம்பமுடியாத பயணத்தை 2007-ல் தொடங்கினேன், இன்றுவரை களத்திலும் வெளியிலும் செலவழித்த ஒவ்வொரு தருணத்தையும் அனுபவித்து வருகிறேன்

என் வாழ்க்கையில் நான் கொஞ்சம் சாதித்ததை எண்ணி பெருமையாகவும் ஆசீர்வதிக்கப்பட்டதாகவும் உணர்கிறேன்.எனது நாட்டிற்காக விளையாட ஒரு ஆட்டத்தை என்னால் பெற முடியவில்லை என்று நான் இன்னும் வருத்தமாக உணர்கிறேன், மேலும் நான் எப்போதும் ஒரு கேப்டு இந்திய கிரிக்கெட் வீரராகவே அறியப்படுவேன்

விராட் கோலி ,டோனி ,யுவராஜ் சிங் ,சுரேஷ் ரெய்னா ,இஷாந்த் சர்மா ரவீந்திர ஜடேஜா புவனேஷ்வர் குமார்போன்ற நவீன கால ஜாம்பவான்களுடன் இருந்தது ஜாம்பவான் சச்சின் டெண்டுல்கர் அவர்களுக்கு எதிராக ஒரு போட்டியில் நான் விளையாடியது ஒரு கனவு நனவாகும் தருணம் . நான் அவரை பார்த்து தான் கிரிக்கெட் பார்க்க ஆரம்பித்தேன்.

எனக்கு முதன்முறையாக ஐபிஎல் வாய்ப்பை வழங்கிய 'ரைசிங் புனே சூப்பர் ஜெயன்ட்' அணிக்கு நன்றி. என்னை மேலும் தேர்வு செய்த புனே மற்றும் சென்னை அணிக்கு நன்றி கூற விரும்புகிறேன்

என் மீது நம்பிக்கை வைத்து, எனது மாநிலத்திற்காக சிறப்பாகச் செயல்பட எனக்கு வாய்ப்பளித்த பிசிசிஐ, எனது மாநில சங்கமான மத்தியப் பிரதேச கிரிக்கெட் சங்கத்திற்கு நன்றி தெரிவிக்க விரும்புகிறேன்.இவ்வாறு தெரிவித்துள்ளார்.