டி20 உலகக்கோப்பை தொடரில் இருந்து முதல் அணியாக வெளியேறிய ஓமன்


டி20 உலகக்கோப்பை தொடரில் இருந்து முதல் அணியாக வெளியேறிய ஓமன்
x

Image Courtesy: AFP

ஓமன் அணி தனது கடைசி லீக் ஆட்டத்தில் இங்கிலாந்தை வரும் 13ம் தேதி எதிர்கொள்கிறது.

ஆண்டிகுவா,

20 அணிகள் கலந்து கொண்டுள்ள டி20 உலகக்கோப்பை கிரிக்கெட் தொடர் அமெரிக்கா மற்றும் வெஸ்ட் இண்டீசில் நடைபெற்று வருகிறது. இந்த தொடரில் இந்திய நேரப்படி நேற்று இரவு 10.30 மணிக்கு நடைபெற்ற 20வது லீக் ஆட்டத்தில் ஸ்காட்லாந்து - ஓமன் அணிகள் மோதின.

இந்த ஆட்டத்தில் முதலில் பேட்டிங் ஆடிய ஓமன் அணி 20 ஓவர்களில் 7 விக்கெட்டுகளை இழந்து 150 ரன்கள் எடுத்தது. ஓமன் தரப்பில் அதிகபட்சமாக பிரதிக் அதவலே 54 ரன்கள் எடுத்தார். ஸ்காட்லாந்து தரப்பில் சப்யான் ஷெரீப் 2 விக்கெட்டுகள் வீழ்த்தினார்.

இதையடுத்து 151 ரன் எடுத்தால் வெற்றி என்ற இலக்குடன் ஆடிய ஸ்காட்லாந்து அணி 13.1 ஓவர்களில் 3 விக்கெட்டை மட்டும் இழந்து 153 ரன்கள் எடுத்து 7 விக்கெட் வித்தியாசத்தில் அபார வெற்றி பெற்றது. ஸ்காட்லாந்து தரப்பில் அதிகபட்சமாக பிராண்டன் மெக்முல்லன் 61 ரன்கள் எடுத்தார்.

இந்த வெற்றியின் மூலம் ஸ்காட்லாந்து அணி அடுத்த சுற்றுக்கான வாய்ப்பில் நீடிக்கிறது. அதேவேளையில் 3 ஆட்டங்களில் ஆடி அனைத்திலும் தோல்வி கண்டுள்ள ஓமன் நடப்பு உலகக்கோப்பை தொடரில் இருந்து முதல் அணியாக வெளியேறியது. ஓமன் அணி தனது கடைசி லீக் ஆட்டத்தில் இங்கிலாந்தை வரும் 13ம் தேதி எதிர்கொள்கிறது.


Next Story
  • chat