டிஎன்பிஎல்: வெற்றிப்பாதைக்கு திரும்பும் முனைப்பில் சேப்பாக் சூப்பர் கில்லீஸ்...திண்டுக்கல் டிராகன்ஸ் அணியுடன் இன்று மோதல்...!

திண்டுக்கல்,

7-வது டி.என்.பி.எல். 20 ஓவர் கிரிக்கெட் போட்டி கடந்த 12-ந்தேதி கோவையில் தொடங்கியது. இதில் 8 அணிகள் பங்கேற்று விளையாடி வருகின்றன. ஒவ்வொரு அணியும், மற்ற அணிகளுடன் தலா ஒருமுறை மோத வேண்டும்.

'லீக்' முடிவில் புள்ளிகள் அடிப்படையில் முதல் 4 இடங்களை பிடிக்கும் அணிகள் 'பிளேஆப்' சுற்றுக்கு தகுதிபெறும்.

இந்நிலையில் இன்று 2 லீக் ஆட்டங்கள் நடைபெறுகின்றன. அதன்படி மாலை 3.15 மணிக்கு தொடங்கும் ஆட்டத்தில் சேப்பாக் சூப்பர் கில்லீஸ் - திண்டுக்கல்; டிராகன்ஸ் அணிகள் பலப்பரீட்சை நடத்துகின்றன.

கடந்த ஆட்டத்தில் தோல்வியை சந்தித்த சேப்பாக் சூப்பர் கில்லீஸ் அணி வெற்றிப்பாதைக்கு திரும்பும் முனைப்பில் உள்ளது.

இதையடுத்து இரவு 7.15 மணிக்கு தொடங்கும் மற்றொரு ஆட்டத்தில் பால்சி திருச்சி மற்றும் லைகா கோவை அணிகள் மோதுகின்றன.