உலகக்கோப்பை கிரிக்கெட்; வெற்றிப்பாதைக்கு திரும்புவது யார்..? - தென் ஆப்பிரிக்கா-இங்கிலாந்து அணிகள் நாளை மோதல்...!

மும்பை,

10 அணிகள் கலந்து கொண்டுள்ள 50 ஓவர் உலகக்கோப்பை தொடர் இந்தியாவில் பல்வேறு நகரங்களில் சிறப்பாக நடைப்பெற்று வருகிறது. இந்த தொடரில் இதுவரை நடந்து முடிந்துள்ள லீக் ஆட்டங்களின் முடிவில் நியூசிலாந்து, இந்தியா, தென் ஆப்பிரிக்கா, பாகிஸ்தான் அணிகள் புள்ளிப்பட்டியலில் முதல் 4 இடங்களில் உள்ளன.

இந்நிலையில் இந்த தொடரில் நாளை நடைபெறும் லீக் ஆட்டத்தில் தென் ஆப்பிரிக்கா - இங்கிலாந்து அணிகள் மும்பையில் மோத உள்ளன. கடந்த ஆட்டத்தில் இங்கிலாந்து அணி ஆப்கானிதானுக்கு எதிராக தோல்வியும், தென் ஆப்பிரிக்கா அணி நெதர்லாந்து அணிக்கு எதிராக தோல்வியும் அடைந்துள்ளன.

இரு அணிகளும் அதிர்ச்சி தோல்வி அடைந்ததால் ரசிகர்கள் அதிர்ச்சி அடைந்தனர். இந்நிலையில் நாளை நடைபெறும் ஆட்டத்திம் இரு அணியும் வெற்றிப்பாதைக்கு திரும்ப கடுமையாக முயற்சி செய்வர். இதனால் ஆட்டத்தில் பரபரப்புக்கு பஞ்சம் இருக்காது. இந்திய நேரப்படி மதியம் 2 மணிக்கு ஆட்டம் தொடங்குகிறது.