வுஹான்,

ஆசிய பேட்மிண்டன் சாம்பியன்ஷிப் போட்டி சீனாவில் நடந்து வருகிறது. இதன் பெண்கள் ஒற்றையர் பிரிவில் நேற்று நடந்த கால்இறுதி ஆட்டம் ஒன்றில் உலக தர வரிசையில் 3-வது இடத்தில் இருக்கும் இந்திய வீராங்கனை பி.வி.சிந்து, தர வரிசையில் 7-வது இடம் வகிக்கும் சீன வீராங்கனை ஹீ பிஞ்ஜியாவை சந்தித்தார். 1 மணி 17 நிமிடம் நீடித்த பரபரப்பான இந்த ஆட்டத்தில் சிந்து 15-21, 21-14, 22-24 என்ற செட் கணக்கில் போராடி தோல்வி கண்டார். இதன் மூலம் இந்த போட்டியில் இந்தியாவின் சவால் முடிவுக்கு வந்தது.