பிற விளையாட்டு

மாநில ஜூனியர் தடகளம் மதுரை வீராங்கனை ஆஷா புதிய சாதனை + "||" + State junior athlete Asha in Madurai New achievement

மாநில ஜூனியர் தடகளம் மதுரை வீராங்கனை ஆஷா புதிய சாதனை

மாநில ஜூனியர் தடகளம் மதுரை வீராங்கனை ஆஷா புதிய சாதனை
தமிழ்நாடு தடகள சங்கம் மற்றும் திருவள்ளூர் மாவட்ட தடகள சங்கம் சார்பில் மாவட்டங்களுக்கு இடையிலான 33–வது மாநில ஜூனியர் தடகள சாம்பியன்ஷிப் போட்டி சென்னை நேரு ஸ்டேடியத்தில் நடந்து வருகிறது.

சென்னை, 

தமிழ்நாடு தடகள சங்கம் மற்றும் திருவள்ளூர் மாவட்ட தடகள சங்கம் சார்பில் மாவட்டங்களுக்கு இடையிலான 33–வது மாநில ஜூனியர் தடகள சாம்பியன்ஷிப் போட்டி சென்னை நேரு ஸ்டேடியத்தில் நடந்து வருகிறது. 14, 16, 18 மற்றும் 20 வயதுக்கு உட்பட்ட ஆண்கள் மற்றும் பெண்களுக்கு நடைபெறும் இந்த போட்டியில் மாநிலம் முழுவதும் இருந்து 4 ஆயிரம் பேர் கலந்து கொண்டுள்ளனர். 

இதில் ஆண்களுக்கான 20 வயதுக்கு உட்பட்ட பிரிவில் 10 ஆயிரம் மீட்டர் ஓட்டத்தில் சண்முகமும் (காஞ்சீபுரம்), நீளம் தாண்டுதலில் மகேஷ்சும் (நெல்லை), வட்டு எறிதலில் குமாரும் (நெல்லை), சங்கிலி குண்டு எறிதலில் கோகுலும் (சென்னை), 18 வயதுக்கு உட்பட்ட பிரிவில் நீளம் தாண்டுதலில் சரணும் (கன்னியாகுமரி), சங்கிலி குண்டு எறிதலில் ராமச்சந்திரனும் (காஞ்சீபுரம்), உயரம் தாண்டுதலில் தேவா கார்த்திக்கும் (காஞ்சீபுரம்), டிரிபிள் ஜம்ப்பில் கே.கோகுலும் (காஞ்சீபுரம்), 16 வயதுக்கு உட்பட்ட பிரிவில் நீளம் தாண்டுதலில் முகமதுவும் (கன்னியாகுமரி), சங்கிலி குண்டு எறிதலில் தருணும் (கடலூர்), 14 வயதுக்கு உட்பட்ட பிரிவில் உயரம் தாண்டுதலில் ரீகனும் (சென்னை), நீளம் தாண்டுதலில் அஜித் குமாரும் (திருச்சி), 100 மீட்டர் ஓட்டத்தில் கார்த்திக் ராஜாவும் (சென்னை) முதலிடத்தை பிடித்தனர்.

பெண்களுக்கான 20 வயதுக்கு உட்பட்ட பிரிவில் டிரிபிள் ஜம்ப்பில் மதுரை வீராங்கனை ஆஷா 12.77 மீட்டர் தூரம் தாண்டி புதிய போட்டி சாதனையுடன் முதலிடம் பிடித்தார். 

இதேபிரிவில் 1,500 மீட்டர் ஓட்டத்தில் நீலாம்பரியும் (காஞ்சீபுரம்), போல்வால்ட்டில் ஜனனி சுவேதாவும் (காஞ்சீபுரம்), 18 வயதுக்கு உட்பட்ட பிரிவில் உயரம் தாண்டுதலில் கெவினா அஸ்வினியும் (திருச்சி), டிரிபிள் ஜம்ப்பில் பாபிஷாவும் (காஞ்சீபுரம்), வட்டு எறிதலில் ஜென்சி சூசனும் (காஞ்சீபுரம்), 16 வயதுக்கு உட்பட்ட பிரிவில் வட்டு எறிதலில் தேவதர்ஷினியும் (கோவை), 100 மீட்டர் ஓட்டத்தில் கிருத்திகாவும் (திருவள்ளூர்), 14 வயதுக்கு உட்பட்ட பிரிவில் உயரம் தாண்டுதலில் தனுஷிகாவும் (கோவை), நீளம் தாண்டுதலில் சுருதியும் (காஞ்சீபுரம்), 100 மீட்டர் ஓட்டத்தில் தீப்தியும் (சென்னை) முதலிடத்தை கைப்பற்றினார்கள்.


தொடர்புடைய செய்திகள்

1. ஆஸ்திரேலிய டெஸ்ட் தொடரில் ஆயிரத்திற்கும் அதிகமான பந்துகளை சந்தித்து புஜாரா சாதனை
இந்திய வீரர் 30 வயதான புஜாரா சிட்னி டெஸ்டில் 130 ரன்கள் (250 பந்து) குவித்து அமர்க்களப்படுத்தியுள்ளார்.
2. கிளப் உலக கோப்பை கால்பந்து: 4–வது முறையாக கோப்பையை வென்று ரியல்மாட்ரிட் அணி சாதனை
கிளப் அணிகளுக்கான உலக கோப்பை கால்பந்து போட்டியில் ரியல்மாட்ரிட் அணி 4–வது முறையாக கோப்பையை வென்று சாதனை படைத்துள்ளது.
3. டெஸ்ட் கிரிக்கெட்டில் அதிவேகமாக 200 விக்கெட்டுகளை வீழ்த்தி 82 ஆண்டு கால சாதனையை முறியடித்தார், யாசிர் ஷா
டெஸ்ட் கிரிக்கெட் போட்டியில் பாகிஸ்தான் அணியின் சுழற்பந்து வீச்சாளர் யாசிர் ஷா அதிவேகமாக 200 விக்கெட்டுகளை வீழ்த்தி 82 ஆண்டு கால சாதனையை முறியடித்தார்.
4. தொடர்ந்து 40 மணி நேரம் பாடம் நடத்துகிறார்: மதுரை ஆசிரியை சாதனை முயற்சி
மதுரை ஆசிரியை சாதனை முயற்சியாக தொடர்ந்து 40 மணி நேரம் பாடம் நடத்தி வருகிறார்.
5. ஆந்திரா முதல் ராமநாதபுரம் வரை 1,250 கிலோ மீட்டர் தூரத்தை கடந்து புறா சாதனை
ராமநாதபுரத்தில் நடைபெற்ற புறா பந்தய போட்டியில் ஆந்திரா மாநிலம் பாலர்ஷா முதல் ராமநாதபுரம் வரையிலான 1,250 கிலோ மீட்டர் தூரத்தினை கடந்து புறா புதிய சாதனை படைத்துள்ளது.