பிற விளையாட்டு

சென்னையில் புரோ கபடி லீக்: தமிழ் தலைவாஸ் அணி தோல்வி + "||" + Pro Kabaddi League in Chennai: Tamil Thalaivas Team Failure

சென்னையில் புரோ கபடி லீக்: தமிழ் தலைவாஸ் அணி தோல்வி

சென்னையில் புரோ கபடி லீக்: தமிழ் தலைவாஸ் அணி தோல்வி
சென்னையில் நடந்த புரோ கபடி லீக் ஆட்டத்தில், தமிழ் தலைவாஸ் அணி தோல்வியடைந்தது.
சென்னை,

புரோ கபடி லீக் போட்டி தொடரில் சென்னையில் நேற்று இரவு நடந்த லீக் ஆட்டத்தில் தமிழ் தலைவாஸ் அணி 32-37 என்ற புள்ளி கணக்கில் உ.பி.யோத்தாவிடம் தோல்வி கண்டது.

6-வது புரோ கபடி லீக் போட்டி சென்னை நேரு உள்விளையாட்டு அரங்கில் நேற்று முன்தினம் தொடங்கியது. அடுத்த ஆண்டு ஜனவரி 5-ந்தேதி வரை பல்வேறு இடங்களில் நடைபெறும் இந்த கபடி திருவிழாவில் 12 அணிகள் பங்கேற்றுள்ளன. அவை இரு பிரிவாக பிரிக்கப்பட்டு லீக்கில் மோதுகின்றன. ஒவ்வொரு அணியும் 22 லீக் ஆட்டத்தில் விளையாட வேண்டும். லீக் சுற்று முடிவில் ஒவ்வொரு பிரிவிலும் முதல் 3 இடங்களை பிடிக்கும் அணிகள் ‘பிளே-ஆப்’ சுற்றுக்கு முன்னேறும்.

இந்த போட்டியின் 2-வது நாளான நேற்று இரவு 9 மணிக்கு சென்னை நேரு உள்விளையாட்டு அரங்கில் நடந்த 4-வது லீக் ஆட்டத்தில் தமிழ் தலைவாஸ்-உ.பி.யோத்தா அணிகள் மோதின.

இந்த ஆட்டத்தில் முதல் பாதியில் தமிழ் தலைவாஸ் அணியின் ஆட்டம் எதிர்பார்த்தபடி சிறப்பாக அமையவில்லை. 2-வது ரைடில் ஜஸ்விர் சிங் எதிரணி வீரரை தொட முயற்சிக்கையில் நிலை தடுமாறி பக்கவாட்டு எல்லைக்கோட்டில் மிதித்து ஆட்டம் இழந்தார். அது முதல் உ.பி.யோத்தா அணி புள்ளிகள் எடுத்த வண்ணம் இருந்தது. தமிழ் தலைவாஸ் அணியை முதலாவது ‘ஆல்-அவுட்’ செய்த உ.பி.யோத்தா அணி ஒரு கட்டத்தில் 12-0 என்ற புள்ளி கணக்கில் முன்னிலை வகித்தது. அதன் பிறகு தான் தமிழ் தலைவாஸ் அணி புள்ளி கணக்கை தொடங்கியது. முதல் பாதியில் உ.பி.யோத்தா அணி 18-4 என்ற கணக்கில் வலுவான முன்னிலை பெற்றது.

பின் பாதி ஆட்டம் தொடங்கியதும் 2-வது முறையாக ‘ஆல்-அவுட்’ ஆன தமிழ் தலைவாஸ் அதன் பிறகு சரிவில் இருந்து மீண்டது. மாற்று ஆட்டக்காரர் அதுல் ரைடு மூலம் தமிழ் தலைவாஸ் அணி ஒன்றிரண்டு புள்ளிகளை சேர்த்தது. அத்துடன் உ.பி.யோத்தா அணியை முதல்முறையாக ஆல்-அவுட்டும் செய்தது. கடைசி கட்டத்தில் தமிழ் தலைவாஸ் அணியின் கேப்டன் அஜய் தாகூர் ஆட்டம் எடுபட்டாலும் அது அணியின் வெற்றிக்கு உதவவில்லை. முடிவில் உ.பி.யோத்தா அணி 37-32 என்ற புள்ளி கணக்கில் தமிழ் தலைவாஸ் அணியை சாய்த்து வெற்றியுடன் போட்டியை தொடங்கியது. முதல் லீக் ஆட்டத்தில் பாட்னா பைரட்ஸ் அணியை வீழ்த்தி இருந்த தமிழ் தலைவாஸ் அணி சந்தித்த முதல் தோல்வி இதுவாகும்.

முன்னதாக நடந்த 3-வது லீக் ஆட்டத்தில் புனேரி பால்டன் அணி 34-22 என்ற புள்ளி கணக்கில் அரியானா ஸ்டீலர்ஸ் அணியை வீழ்த்தியது. சென்னை நேரு உள்விளையாட்டு அரங்கில் இன்று நடைபெறும் லீக் ஆட்டங்களில் தபாங் டெல்லி- குஜராத் பார்ச்சுன் ஜெயன்ட்ஸ் (இரவு 8 மணி), தமிழ் தலைவாஸ்-தெலுங்கு டைட்டன்ஸ் (இரவு 9 மணி) அணிகள் மோதுகின்றன.


தொடர்புடைய செய்திகள்

1. சென்னை பெசன்ட்நகரில் 10-ம் வகுப்பு மாணவி தூக்குப்போட்டு தற்கொலை
சென்னை பெசன்ட்நகரில் 10-ம் வகுப்பு மாணவி தூக்குப்போட்டு தற்கொலை செய்து கொண்டார்.
2. சென்னையில் பிடிபட்ட ரவுடி பினுவிடம் அதிரடி விசாரணை
சென்னையில் பிடிபட்ட பிரபல ரவுடி பினுவிடம் போலீசார் அதிரடியாக விசாரணை நடத்தி வருகிறார்கள்.
3. நாடாளுமன்ற தேர்தலையொட்டி சென்னையில் முன்னெச்சரிக்கையாக 750 பேர் கைது
நாடாளுமன்ற தேர்தலையொட்டி சென்னையில் முன்னெச்சரிக்கை நடவடிக்கையாக 750 பேரை போலீசார் கைது செய்துள்ளனர்.
4. திருப்பரங்குன்றம் தேர்தல் தொடர்பான வழக்கில் வெள்ளிக்கிழமைக்குள் தீர்ப்பு என அறிவிப்பு
திருப்பரங்குன்றம் தேர்தல் தொடர்பான வழக்கில் வெள்ளிக்கிழமைக்குள் தீர்ப்பு வழங்கப்படும் என சென்னை உயர்நீதிமன்றம் அறிவித்துள்ளது.
5. சென்னையில் 23-ந் தேதி நடைபெறும்: ஐ.பி.எல். தொடக்க ஆட்டத்துக்கான டிக்கெட் விற்பனை அமோகம் - ஒரே நாளில் விற்று தீர்ந்தது
சென்னையில் வருகிற 23-ந் தேதி நடைபெறும் ஐ.பி.எல். 20 ஓவர் கிரிக்கெட் போட்டியின் தொடக்க லீக் ஆட்டத்துக்கான டிக்கெட் விற்பனைக்கு அமோக வரவேற்பு இருந்தது. நேற்று ஒரே நாளில் எல்லா டிக்கெட்டுகளும் விற்று தீர்ந்தது.

அதிகம் வாசிக்கப்பட்டவை