புரோ கபடி: மும்பை அணி வெளியேற்றம்

கொச்சி,

புரோ கபடி லீக் தொடரில் கொச்சியில் நேற்றிரவு நடந்த முதலாவது வெளியேற்றுதல் சுற்றில் (எலிமினேட்டர்) முன்னாள் சாம்பியன் யு மும்பா அணி (மும்பை) 29-34 என்ற புள்ளி கணக்கில் உ.பி.யோத்தாவிடம் வீழ்ந்தது. மற்றொரு வெளியேற்றுதல் சுற்றில் தபாங் டெல்லி அணி 39-28 என்ற புள்ளி கணக்கில் பெங்கால் வாரியர்சை பதம் பார்த்தது. தோல்வியை தழுவிய மும்பை, பெங்கால் அணிகள் போட்டியை விட்டு வெளியேற்றப்பட்டது.

இன்று இரவு 8 மணிக்கு நடக்கும் இறுதிப்போட்டிக்கான முதலாவது தகுதிசுற்றில் குஜராத் பார்ச்சுன் ஜெயன்ட்ஸ்-பெங்களூரு புல்ஸ் அணிகள் மோதுகின்றன. அதைத் தொடர்ந்து இரவு 9 மணிக்கு நடைபெறும் 3-வது வெளியேற்றுதல் சுற்றில் உ.பி.யோத்தா-தபாங் டெல்லி அணிகள் சந்திக்கின்றன.