அகில இந்திய பெண்கள் நெட்பால் போட்டி: அண்ணாமலை பல்கலைக்கழக அணி வெற்றி

சென்னை,

தமிழ்நாடு உடற்கல்வியியல் மற்றும் விளையாட்டு பல்கலைக்கழகம் சார்பில் அகில இந்திய பல்கலைக்கழக பெண்கள் நெட்பால் போட்டி சென்னையை அடுத்த வண்டலூரில் உள்ள அந்த பல்கலைக்கழக வளாகத்தில் நடந்து வருகிறது. இதில் 2-வது நாளான நேற்று நடந்த ஆட்டம் ஒன்றில் தும்குர் பல்கலைக்கழக அணி 26-2 என்ற புள்ளி கணக்கில் ஆர்.ஜி.பி.விஸ்வா வித்யாலயா பல்கலைக்கழக அணியை தோற்கடித்தது. மற்றொரு ஆட்டத்தில் குருசேத்ரா பல்கலைக்கழக அணி 15-1 என்ற புள்ளி கணக்கில் ஆர்.எம்.எல்.ஏ. பல்கலைக்கழக அணியை வென்றது. இன்னொரு ஆட்டத்தில் அண்ணாமலை பல்கலைக்கழக அணி 27-13 என்ற புள்ளி கணக்கில் புனே பல்கலைக்கழக அணியை வீழ்த்தியது. மற்ற ஆட்டங்களில் வி.டி.யூ. பெல்காம் பல்கலைக்கழகம், கேரள பல்கலைக்கழகம், எஸ்.எம்.ஜி. பல்கலைக்கழகம், பெங்களூரு மத்திய பல்கலைக்கழகம் அணிகள் வெற்றி பெற்றன.