'ஏ' டிவிசன் லீக் கைப்பந்து: தமிழ்நாடு போலீஸ் அணி முதல் வெற்றி

சென்னை,

சென்னை மாவட்ட கைப்பந்து சங்கம் சார்பில் எஸ்.என்.ஜெ. குழுமம் ஆதரவுடன் 'ஏ' டிவிசன் லீக் கைப்பந்து போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நடந்து வருகிறது. இதில் 10-வது நாளான நேற்று நடந்த ஆட்டம் ஒன்றில் தமிழ்நாடு போலீஸ் அணி 25-23, 21-25, 28-26, 25-17 என்ற செட் கணக்கில் டி.ஜி.வைஷ்ணவா அணியை வீழ்த்தி முதல் வெற்றியை பெற்றது.

மற்றொரு ஆட்டத்தில் வருமான வரி அணி 26-24, 25-21, 25-27, 21-25, 15-9 என்ற செட் கணக்கில் சுங்க இலாகாவை போராடி வீழ்த்தியது. 5-வது ஆட்டத்தில் ஆடிய வருமான வரி அணி பெற்ற 3-வது வெற்றி இதுவாகும். சுங்க இலாகா அணிக்கு 5-வது தோல்வியாகும்.