ஆசிய பேட்மிண்டன் போட்டியில் இந்திய ஜோடி இறுதிப்போட்டிக்கு தகுதி

துபாய்,

40-வது ஆசிய பேட்மிண்டன் சாம்பியன்ஷிப் போட்டி துபாயில் நடந்து வருகிறது. இதில் நேற்று நடந்த ஆண்கள் இரட்டையர் பிரிவு அரைஇறுதி ஆட்டம் ஒன்றில் இந்தியாவின் சாத்விக் சாய்ராஜ் ரங்கி ரெட்டி-சிராக் ஷெட்டி இணை, சீன தைபேயின் லீ யாங்-வாங் சி லின் ஜோடியுடன் மோதியது.

விறுவிறுப்பான இந்த ஆட்டத்தில் சாத்விக் சாய்ராஜ் ரங்கி ரெட்டி-சிராக் ஷெட்டி ஜோடி 21-18, 13-14 என்ற கணக்கில் முன்னிலையில் இருந்த போது காயம் காரணமாக லீ யாங்-வாங் சி லின் இணை போட்டியில் இருந்து விலகியது. இதனால் சாத்விக்-சிராக் ஷெட்டி ஜோடி இறுதிப்போட்டிக்கு முன்னேறியது.

ஆசிய போட்டியில் ஆண்கள் இரட்டையர் பிரிவில் இந்திய இணை இறுதிப்போட்டிக்குள் நுழைவது இதுவே முதல்முறையாகும்.