புரோ கபடி லீக்; யு மும்பா அணியை வீழ்த்தி தபாங் டெல்லி வெற்றி..!

மும்பை,

10-வது புரோ கபடி லீக் தொடர் கடந்த மாதம் 2-ந்தேதி தொடங்கி இந்தியாவின் பல்வேறு நகரங்களில் நடைபெற்று வருகிறது. இந்த தொடரில் பெங்கால் வாரியர்ஸ், பெங்களூரு புல்ஸ், தபாங் டெல்லி, குஜராத் ஜெயன்ட்ஸ், அரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பால்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி.யோத்தாஸ் ஆகிய 12 அணிகள் விளையாடுகின்றன.

இந்த தொடரில் மும்பையில் நேற்று இரவு 8 மணிக்கு நடைபெற்ற முதல் ஆட்டத்தில் பாட்னா பைரேட்ஸ் அணியை வீழ்த்தி பெங்களூரு புல்ஸ் வெற்றி பெற்றது. இரவு 9 மணிக்கு நடைபெற்ற 2வது ஆட்டத்தில் யு மும்பா - தபாங் டெல்லி அணிகள் மோதின. இதில் 40-34 என்ற புள்ளிக்கணக்கில் யு மும்பா அணியை வீழ்த்தி தபாங் டெல்லி வெற்றி பெற்றது.