புரோ கபடி லீக்; பெங்கால் வாரியர்ஸ் அணியிடம் தமிழ் தலைவாஸ் தோல்வி

பெங்களூரு,

10-வது புரோ கபடி லீக் தொடர் இந்தியாவில் நடந்து வருகிறது. இந்த தொடரில் பெங்கால் வாரியர்ஸ், பெங்களூரு புல்ஸ், தபாங் டெல்லி, குஜராத் ஜெயன்ட்ஸ், அரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பால்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோத்தாஸ் ஆகிய 12 அணிகள் விளையாடுகின்றன.

இந்நிலையில் இந்த தொடரில் இரவு 8 மணிக்கு நடைபெற்ற ஆட்டத்தில் தமிழ் தலைவாஸ் - பெங்கால் வாரியர்ஸ் அணிகள் மோதின.

இந்த போட்டியில் இரு அணிகளும் தொடக்கம் முதல் சிறப்பாக விளையாடின. தொடர்ந்து ஆட்டத்தின் இறுதி கட்டத்தில் ஆதிக்கம் செலுத்திய பெங்கால் வாரியர்ஸ் அணி 48 - 38 என்ற கணக்கில் வெற்றி பெற்றது.