ஆஸ்திரேலிய ஓபன் டென்னிஸ்; டி மினாரை போராடி வீழ்த்தி காலிறுதிக்கு முன்னேறிய ஆண்ட்ரே ரூப்லெவ்

மெல்போர்ன்,

ஆண்டின் முதல் 'கிராண்ட்ஸ்லாம்' போட்டியான ஆஸ்திரேலிய ஓபன் டென்னிஸ் தொடர் மெல்போர்னில் நடைபெற்று வருகிறது. பல முன்னணி வீரர்,வீராங்கனைகள் பங்கேற்றுள்ள இந்த போட்டி, வருகிற 28-ந்தேதி வரை நடக்கவுள்ளது.

இந்நிலையில் இந்த தொடரில் இன்று நடைபெற்ற ஆண்கள் ஒற்றையர் பிரிவின் 4வது சுற்று ஆட்டம் ஒன்றில் முன்னணி வீரரான ரஷியாவின் ஆண்ட்ரே ரூப்லெவ் ஆஸ்திரேலியாவின் அலெக்ஸ் டி மினாரை எதிர்கொண்டார்.

இந்த ஆட்டத்தில் முதல் செட்டை 6-4 என்ற புள்ளிக்கணக்கில் எளிதில் கைப்பற்றிய ரூப்லெவ் அடுத்த இரு செட்டில் 6-7(5-7), 6-7(4-7) என்ற புள்ளிக்கணக்கில் வீழ்ந்தார். இதையடுத்து விறுவிறுப்பாக நடைபெற்ற 4வது செட்டை 6-3 என்ற புள்ளிக்கணக்கில் ரூப்லெவ் கைப்பற்றினார்.

இதையடுத்து வெற்றியாளரை தீர்மானிக்கும் கடைசி செட்டில் அபாரமாக செயல்பட்ட ரூப்லெவ் 6-0 என்ற புள்ளிக்கணக்கில் டி மினாரை வீழ்த்தி காலிறுதிக்கு முன்னேறினார். ரூப்லெவ் காலிறுதி ஆட்டத்தில் இத்தாலியின் ஜன்னிக் சின்னரை எதிர்கொள்ள உள்ளார்.