நடப்பு நிதியாண்டில் நாட்டின் பொருளாதார வளர்ச்சி 5 சதவீதமாக குறையும்
நடப்பு நிதியாண்டில் நாட்டின் பொருளாதார வளர்ச்சி 5 சதவீதமாக குறையும் என மத்திய அரசு தெரிவித்துள்ளது.
புதுடெல்லி,
மத்திய புள்ளியியல் அலுவலகம் விடுத்துள்ள அறிக்கையில், கடந்த 2018-19 நிதியாண்டில் 6.9 சதவீதமாக காணப்பட்ட தயாரிப்பு துறையின் வளர்ச்சி, நடப்பு நிதியாண்டில் 2 சதவீதமாக குறையும் என எதிர்பார்க்கப்படுகிறது.
மேலும் நடப்பு நிதியாண்டில் நாட்டின் பொருளாதார வளர்ச்சி 5 சதவீதமாக குறையும். தற்போது, வேளாண், கட்டுமான துறை, மின்சாரம், எரிவாயு, தண்ணீர் விநியோகம் போன்ற துறைகளின் வளர்ச்சியிலும் சரிவு காணப்படுகிறது. அதேசமயம், சுரங்கம், பொது நிர்வாகம், பாதுகாப்பு உள்ளிட்ட சில துறைகளில் சிறிய வளர்ச்சி தென்படுவதாகவும் அந்த அறிக்கையில் கூறப்பட்டுள்ளது.