4 மாவட்டங்களுக்கு நாளை ஆரஞ்ச் அலர்ட்
சென்னை, திருவள்ளூர், காஞ்சிபுரம், ராணிப்பேட்டை ஆகிய 4 மாவட்டங்களில் நாளை(அக்.27) மிக கனமழைக்கு வாய்ப்பு உள்ளதாக சென்னை வானிலை ஆய்வு மையம் தெரிவித்துள்ளது.
இங்கிலாந்து அணியை வீழ்த்தியது நியூசிலாந்து
இங்கிலாந்து அணிக்கு எதிரான முதல் ஒரு நாள் போட்டியில் 4 விக்கெட் வித்தியாசத்தில் வெற்றி பெற்றது நியூசிலாந்து அணி. 3 போட்டிகள் கொண்ட தொடரில் 1-0 என நியூசிலாந்து முன்னிலை வகிக்கிறது. தனி ஒருவராக போராடி 135 ரன்கள் குவித்த இங்கிலாந்து கேப்டன் ஹாரி புரூக் ஆட்டநாயகனாக தேர்வு செய்யப்பட்டார்.
50 வயதை கடந்தும் திருமணம் செய்யாத நட்சத்திர நடிகைகள்
50 வயதை கடந்தும் இன்னும் பல நடிகைகள் திருமணம் செய்யாமல் இருக்கிறார்கள்
‘ஆர்யன்’ படத்தின் 2-வது பாடல் வெளியானது
‘ஆர்யன்’ படத்தின் முதல் பாடலான ‘கொல்லாதே கொள்ளை அழகாலே’ சமீபத்தில் வெளியானநிலையில், தற்போது 2-வது பாடல் வெளியாகி இருக்கிறது.
கபடி வீராங்கனை கார்த்திகாவுக்கு உற்சாக வரவேற்பு
பஹ்ரைனில் நடந்த ஆசிய இளையோர் கபடிப் போட்டியில் தங்கம் வென்ற இந்திய அணியில் இடம்பெற்ற சென்னை கண்ணகி நகரைச் சேர்ந்த வீராங்கனை கார்த்திகாவுக்கு உற்சாக வரவேற்பு அளிக்கப்பட்டது.
விஜயிடம் ஆறுதல் பெற புறப்பட்ட கரூர் கூட்ட நெரிசலில் உயிரிழந்தவர்களின் குடும்பத்தினர். நாளை மாமல்லபுரத்தில் உள்ள நட்சத்திர விடுதியில் பாதிக்கப்பட்டவர்களை சந்தித்து ஆறுதல் கூறுகிறார் விஜய்.
தமிழ்நாட்டில் யாருடைய வாக்குரிமையும் பறிக்ககூடாது என்பதில் திமுக உறுதியாக உள்ளது - கனிமொழி எம்.பி.
பீகார் போன்ற பல மாநிலங்களில் SIR-ஐ பயன்படுத்தி லட்சக்கணக்கானவர்களின் வாக்குரிமை பறித்தது போல, தமிழ்நாட்டில் நடக்க கூடாது என்பதில் உறுதியாக உள்ளோம். பீகார் தேர்தலில் நீதியும், ஜனநாயகமும் வெல்ல வேண்டும் என்பதே அனைவரின் எதிர்பார்ப்பு என திமுக எம்.பி. கனிமொழி கூறியுள்ளார்.
இந்தியா உடனான அமெரிக்காவின் நட்பு பாதிக்காது
பாகிஸ்தான் உடனான உறவுகளால், இந்தியா உடனான அமெரிக்காவின் நட்பு பாதிக்காது. அமெரிக்கா-இந்தியா உறவுகள் ஆழமானது, வரலாற்று சிறப்புமிக்கது மற்றும் முக்கியத்துவம் வாய்ந்தது. பயங்கரவாத எதிர்ப்பில் பாகிஸ்தானுடன் இணைந்து பணியாற்றி வருகிறோம் என அமெரிக்க வெளியுறவு செயலாளர் மார்கோ ரூபியோ கூறியுள்ளார்.
6 கி.மீ. வேகத்தில் நகரும் மண்டலம்
தென்கிழக்கு வங்கக்கடலில் உள்ள ஆழ்ந்த காற்றழுத்த தாழ்வு மண்டலம் மணிக்கு 6 கி.மீ. வேகத்தில் நகர்கிறது மோந்தா புயல் சென்னைக்கு தென்கிழக்கில் 780 கிமீ, ஆந்திராவுக்கு தென்கிழக்கில் 830 கிமீ தூரத்தில் உள்ளது. இன்று மாலை புயலாகவும் 28ஆம் தேதி தீவிர புயலாகவும் வலுப்பெறும் என்று வானிலை ஆய்வு மையம் தெரிவித்துள்ளது.
சூரசம்ஹார விழா-4,000 போலீசார் பாதுகாப்பு
தூத்துக்குடி: திருச்செந்தூரில் நாளை நடக்க உள்ள சூரசம்ஹாரத்தையொட்டி முன்னேற்பாடு பணிகள் தீவிரமாக நடைபெற்று வருகிறது. 4,000 போலீசார் பாதுகாப்பில் ஈடுபட உள்ளனர், 250க்கும் மேலான சிசிடிவி கேமராக்கள் அமைக்கப்பட்டுள்ளது.20 மருத்துவர்கள் கொண்ட குழுக்கள் அமைக்கப்பட்டு, 14 ஆம்புலன்ஸுகளும் தயார் நிலையில் உள்ளன; வெளியூர் பக்தர்களுக்காக தற்காலிக பேருந்து நிலையத்தில் இருந்து கோவில் செல்ல 45 இலவச பேருந்துகள் இயக்கப்பட உள்ளன. திருச்செந்தூர் கடற்கரையில் பக்தர்கள் பாதுகாப்புக்காக நீச்சல் வீரர்கள் 80 பேர் தயார் நிலையில் உள்ளனர்.