தமிழ்நாட்டில் சிறப்பு வாக்காளர் பட்டியல் திருத்தம் எப்போது? தேர்தல் ஆணையம் நாளை அறிவிக்க வாய்ப்பு

மோந்தா புயல் - தயார் நிலையில் இந்திய ராணுவம்

அடுத்த 24 மணி நேரத்தில் வங்க கடலில் உருவாகிறது மோந்தா புயல். மீட்பு நடவடிக்கைக்கு இந்திய ராணுவம் தயார் நிலையில் வைக்கப்பட்டுள்ளதாக தேசிய பேரிடர் மேலாண்மை ஆணையம் தெரிவித்துள்ளது. மாநில அரசுகளுடன் தொடர்பில் உள்ளதாகவும் நிலைமையை உன்னிப்பாக கவனித்து வருவதாகவும் தேசிய பேரிடர் மேலாண்மை தரப்பில் தெரிவிக்கப்பட்டுள்ளது.

தாயுமானவர் திட்டம் முதியோர்களுக்கும், மாற்றுத்திறனாளிகளுக்கும் உதவும் திட்டமாக தெரியவில்லை. தேர்தலுக்காக மக்களை ஏமாற்றுவதற்காக போடப்பட்ட திட்டமாக தெரிகிறது என முன்னாள் அமைச்சர் ஆர்.பி.உதயகுமார் கூறியுள்ளார்.

கரூரில் பாதிக்கப்பட்ட மக்களை விஜய் சந்திப்பது நல்ல விஷயம் - வானதி சீனிவாசன்

கரூரில் பாதிக்கப்பட்ட மக்களை தவெக தலைவர் விஜய் சந்திப்பது நல்ல விஷயம். கரூருக்கு சென்று பாதிக்கப்பட்ட மக்களை விஜய் சந்திக்காதது குறித்து அவரிடம்தான் கேட்க வேண்டும். கரூர் விவகாரத்தில் சிபிஐ விசாரணையின் முடிவு வரும்போது நீதி கிடைக்கும் வாய்ப்பு பிரகாசமாக உள்ளது என்று பாஜக எம்.எல்.ஏ வானதி சீனிவாசன் கூறியுள்ளார்.

அணுசக்தியால் இயங்கும் ஏவுகணை

அணுசக்தியால் இயங்கும் ஏவுகணையை சோதனை செய்தது ரஷியா. பியூரெவெஸ்ட்னிக் ஏவுகணையை சோதனை செய்ததாக அறிவித்துள்ளது.

பாகிஸ்தான் - ஆப்கான் மோதலை மிக விரைவில் தீர்க்கப் போகிறேன்- டிரம்ப்

பாகிஸ்தான் - ஆப்கானிஸ்தான் மோதலை மிக விரைவில் தீர்க்கப் போவதாக அமெரிக்க ஜனாதிபதி டிரம்ப் கூறியுள்ளார். பாகிஸ்தான் ராணுவத் தளபதி முனீர், பிரதமர் ஷெபாஸ் ஷெரீப் ஆகியோர் சிறந்த மனிதர்கள் என்றும் டிரம்ப் கருத்து தெரிவித்துள்ளார்.

முதல்-அமைச்சர் மு.க.ஸ்டாலினுக்கு மாரி செல்வராஜ் நன்றி

என் முதல் படமான பரியேறும் பெருமாளில் ஆரம்பித்து கர்ணன், மாமன்னன், வாழை இப்போது பைசன் வரை என் மீதும் என் படைப்பின் மீதும் பெரும் நம்பிக்கை வைத்து ஆர்வமாய் பார்த்து நேரில் அழைத்து என்னை உச்சிமுகர்ந்து கொண்டாடும் உங்களின் அத்தனை பேரன்பிற்கும் பெரும் பிரியத்திற்கும் என் இதயத்திலிருந்து கசிந்துருகும் நன்றிகளை தெரிவித்துக்கொள்கிறேன் ஐயா என இயக்குனர் மாரி செல்வராஜ் கூறியுள்ளார்.