காங்கிரஸ் கட்சியின் முன்னாள் தலைவரும் மக்களவை எதிர்கட்சி தலைவருமான ராகுல் காந்தி இன்று தனது பிறந்தநாளை கொண்டாடுகிறார். இதனையொட்டி நாடு முழுவதும் காங்கிரஸ் நிர்வாகிகள், தொண்டர்கள் ராகுல் காந்தியின் பிறந்தநாளை கொண்டாடி வருகின்றனர். ராகுல்காந்திக்கு அரசியல் கட்சி தலைவர்கள் பலர் வாழ்த்து தெரிவித்து வருகின்றனர். இந்தநிலையில், பிரதமர் மோடியும் ராகுல் காந்திக்கு பிறந்தநாள் வாழ்த்து தெரிவித்துள்ளார். இது தொடர்பாக தனது எக்ஸ் தள பதிவில் கூறியதாவது:- மக்களவை எதிர்க்கட்சித் தலைவர் ராகுல் காந்திக்கு பிறந்த நாள் வாழ்த்துகள். நீண்ட ஆயுளும் ஆரோக்கியமும் பெற வாழ்த்துகிறேன் எனக் குறிப்பிட்டுள்ளார்.