சென்னை,

தங்கம் விலை கடந்த சில நாட்களாகவே ஏற்ற, இறக்கத்துடனேயே காணப்பட்டு வருகிறது. அந்த வகையில், நேற்று முன் தினம் தங்கம் விலை சவரனுக்கு ரூ320 உயர்ந்து ஒரு பவுன் ரூ.73,040-ஆகவும், கிராமுக்கு ரூ.40 உயர்ந்து ஒரு கிராம் ரூ.9,130 ஆகவும் விற்பனை செய்யப்பட்டது. நேற்று விலை மாற்றமின்றி, அதே விலைக்கே விற்பனை செய்யப்பட்டு வந்தது.

இந்நிலையில், இன்று தங்கம் அதிரடியாக குறைந்துள்ளது. அதன்படி, சென்னையில் ஆபரணத் தங்கத்தின் விலை சவரனுக்கு ரூ.1,200 குறைந்து ரூ.71,840-க்கு விற்பனை செய்யப்படுகிறது. கிராமுக்கு ரூ.150 குறைந்து ரூ.8,980-க்கு விற்பனை செய்யப்பட்டு வருகிறது.

வெள்ளியின் விலை அதிகரித்துள்ளது. ஒரு கிராம் வெள்ளி ரூ.3 அதிகரித்து ரூ.117-க்கும், ஒரு கிலோ வெள்ளி ரூ.1,17,000-க்கு விற்பனை செய்யப்படுகிறது. கடந்த 5 நாட்களில் தங்கம் விலை சவரனுக்கு ரூ.1,680 உயர்ந்த நிலையில், இன்று சரிவை சந்தித்துள்ளது.