ஓடும் பஸ்சிலிருந்து குழந்தை தவறி விழுந்து பலி

சேலம் மாவட்டம் சங்ககிரி அருகே அரசு பஸ்சிலிருந்து 9 மாத குழந்தை தவறி விழுந்து உயிரிழந்துள்ளது. முன்பக்க கதவை அடைக்க கூறியும் நடத்துனர் செய்யாததால் குழந்தை உயிரிழந்ததாக தந்தை குற்றம்சாட்டி உள்ளார். முன்பக்க கதவு திறந்து வைத்திருந்ததாலேயே குழந்தை உயிரிழந்ததாக தந்தை புகார் அளித்துள்ளார். 9 மாத குழந்தையை தந்தை தூக்கி வைத்திருந்தநிலையில் ஓட்டுநர் திடீரென பிரேக் போட்டதால் தவறி விழுந்ததாக கூறப்படுகிறது. இது குறித்து போலீசார் விசாரணை நடத்தி வருகின்றனர்.

பஹல்காம் தாக்குலுக்கு பதிலடியாக பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் உள்ள பயங்கரவாத முகாம்களை இந்தியா அழித்தது. இதனை தொடர்ந்து இரு நாடுகள் இடையே 4 நாட்கள் கடுமையான ராணுவ நடவடிக்கைகள் மேற்கொள்ளப்பட்டன. தொடர்ந்து போர் நிறுத்தம் ஏற்பட்டது.

இந்த நிலையில் பாகிஸ்தானுடனான தற்போதுள்ள நிலைமை குறித்து நாடாளுமன்ற குழுவிடம் வருகிற 19-ந்தேதி வெளியுறவுத்துறை செயலாளர் விக்ரம் மிஸ்ரி விளக்கம் அளிக்கிறார். சசிதரூர் தலைமையிலான நாடாளுமன்ற வெளியுறவு நிலை குழுவிடம் அவர் விளக்குவார்.

இரும்பு மற்றும் அலுமினியம் மீதான அமெரிக்காவின் வரிகளுக்கு பதிலடியாக, 29 அமெரிக்க பொருட்கள் மீது இந்தியா பதிலடி வரிகளை முன்மொழிந்துள்ளது.

சி.பி.எஸ்.இ. 10 மற்றும் 12-ம் வகுப்பு மாணவர்களுக்கான தேர்வு முடிவுகள் இன்று வெளியிடப்பட்டன. இதில் வெற்றி பெற்ற மாணவ மாணவிகளுக்கு பிரதமர் மோடி இன்று வாழ்த்துகளை தெரிவித்து கொண்டார். அதில், உங்களுடைய மனவுறுதி, ஒழுக்கம் மற்றும் கடின உழைப்பு ஆகியவற்றின் வெளிப்பாடு இது என தெரிவித்த பிரதமர் மோடி, தேர்வு முடிவால் மனவருத்தம் அடைந்த மாணவர்களுக்கு வெளியிட்ட செய்தியில், ஒரு தேர்வு ஒருபோதும் உங்களை வரையறை செய்து விடாது. நம்பிக்கையுடன் இருங்கள். ஏனெனில் பெரிய விசயங்கள் காத்திருக்கின்றன என தெரிவித்து உள்ளார்.

பெருங்கொடுமைக்கு நீதி கிடைத்து உள்ளது என பொள்ளாச்சி வழக்கின் தண்டனை பற்றி முதல்-அமைச்சர் மு.க. ஸ்டாலின் தெரிவித்து உள்ளார்.

பொல்லாத அ.தி.மு.க. நிர்வாகி உள்ளிட்ட குற்றவாளிகளால் பெருங்கொடுமை நிகழ்த்தப்பட்டது என அவர் கூறியுள்ளார்.