வில்லியனூர்

வில்லியனூர் அருகே உள்ள கோட்டைமேடு பகுதியில் தடை செய்யப்பட்ட லாட்டரி சீட்டுகளை விற்பனை செய்யப்படுவதாக போலீசுக்கு ரகசிய தகவல் கிடைத்தது. அதன்பேரில் வில்லியனூர் போலீஸ் இன்ஸ்பெக்டர் வேலையன் உத்தரவின்பேரில் சப்-இன்ஸ்பெக்டர் வேலு மற்றும் போலீசார் கோட்டைமேடு பகுதியில் ரோந்து சென்றனர். அப்போது சந்தேகத்திற்கு இடமாக 2 பேர் நின்றுகொண்டிருந்தனர். அவர்களை பிடித்து விசாரித்தபோது, கணுவாப்பேட்டை புதுநகரை சேர்ந்த ஜெயராமன் (55), விழுப்புரத்தை சேர்ந்த கோவிந்தசாமி (43) என்பதும், அவர்கள் லாட்டரி சீட்டு விற்பனை செய்ததும் தெரியவந்தது. இதையடுத்து அவர்கள் 2 பேரையும் போலீசார் கைது செய்தனர். அவர்களிடம் இருந்து லாட்டரி சீட்டுகள் மற்றும் 12,000 ரொக்க பணம், 2 செல்போன்கள் பறிமுதல் செய்யப்பட்டன.