மேலும் 11 பேருக்கு கொரோனா

புதுச்சேரி

புதுவையில் கடந்த சில நாட்களாக கொரோனா தொற்று பரவல் அதிகரித்து வருகிறது. நேற்று 71 பேர் பாதிக்கப்பட்டனர். இந்தநிலையில் இன்று தொற்று பாதிப்பு குறைந்திருந்தது. இன்று காலை 10 மணியுடன் நிறைவடைந்த 24 மணிநேரத்தில் 227 பேருக்கு கொரோனா பரிசோதனை மேற்கொள்ளப்பட்டது. இதில் 11 பேருக்கு தொற்று உறுதி செய்யப்பட்டது. அவர்களில் 7 பேர் புதுச்சேரியையும், 4 பேர் காரைக்காலையும் சேர்ந்தவர்கள் ஆவர். இன்று 13 பேர் குணமடைந்தனர். தற்போது ஆஸ்பத்திரிகளில் 7 பேர், வீடுகளில் 197 பேர் என 204 பேர் தனிமைப்படுத்தப்பட்டு தொடர் சிகிச்சையில் உள்ளனர். புதுவையில் தொற்று பரவல் 4.85 சதவீதமாகவும், குணமடைவது 98.76 சதவீதமாகவும் உள்ளது.