புதுச்சேரி

புதுச்சேரி அருகே உள்ள தமிழக பகுதியான வசந்தபுரத்தை சேர்ந்தவர் கண்ணன் (வயது 39). பெரிய மார்க்கெட்டில் சுமை தூக்கும் தொழிலாளியாக வேலை செய்து வருகிறார். இவருடன் சின்னையாபுரத்தை சேர்ந்த ரஞ்சித் (32) வேலைபார்த்து வருகிறார். கடந்த 14-ந் தேதி கண்ணன், தியாகுமுதலியார் வீதியில் உள்ள ஒரு ஓட்டலுக்கு சாப்பாடு வாங்க சென்றார். அப்போது அங்கு ரஞ்சித்தும், அவரது நண்பர் அசோக்கும் மது குடித்துக்கொண்டு இருந்தனர். குடிபோதையில் இருந்த 2 பேரும் தகாத வார்த்தையால் பேசியதாக கூறப்படுகிறது. இதை கண்ணன் கண்டித்தார்.

இதுதொடர்பாக ஏற்பட்ட தகராறில் கண்ணனை 2 பேரும் சேர்ந்து அரிவாளை காட்டி கொலை மிரட்டல் விடுத்ததாக கூறப்படுகிறது. இதுகுறித்த புகாரின்பேரில் பெரியகடை போலீசார் வழக்குப்பதிவு செய்து 2 பேரையும் வலைவீசி தேடி வருகின்றனர்.