புதுச்சேரி

புதுச்சேரி வம்பாகீரப்பாளையம் முத்துமாரியம்மன் கோவில் தெருவை சேர்ந்தவர் சந்திரன். மீனவர். இவரது மனைவி பிரேமா (வயது 40) மீன் விற்பனை செய்து வருகிறார். சம்பவத்தன்று காலை கோவில் பஞ்சாயத்து நடந்தது. அன்று அங்காளம்மன் கோவில் தெருவை சேர்ந்த 50-க்கும் மேற்பட்டோர் கோவிலில் உள்ளே புகுந்து அங்குள்ள பொருட்களை சேதப்படுத்தியதாக கூறப்படுகிறது.

தொடர்ந்து 6 பேர் கொண்ட கும்பல் அருகில் உள்ள சந்திரன் வீட்டிற்கு சென்று அங்கிருந்த பொருட்களை சேதப்படுத்தி சூறையாடிவிட்டு தப்பி சென்று விட்டனர். இது குறித்த புகாரின் பேரில் ஒதியஞ்சாலை போலீசார் வழக்குப்பதிவு செய்து முருகன், தங்கபிரகாசம், ரஜினி, திவாகர், சுந்தரமூர்த்தி, ரஞ்சித் ஆகிய 6 பேர் மீது வழக்குப்பதிவு செய்து தேடி வருகின்றனர்.