திருப்பூர்,

திருவனந்தபுரம் ரெயில் நிலையத்தில் ஒரு பாதையை மாற்றியமைக்கும் பணிகள் நடைபெற உள்ளது. இதனால் குறிப்பிட்ட ரெயில் சேவையில் மாற்றம் செய்யப்பட்டுள்ளது.

ஈரோடு, திருப்பூர் வழியாக இயக்கப்படும் சென்னை-திருவனந்தபுரம் எக்ஸ்பிரஸ்(வண்டி எண்.12695) ரெயில் இன்று(சனிக்கிழமை) முதல் வருகிற ஆகஸ்டு 8-ந்தேதி வரை சென்னையில் இருந்து மதியம் 3.20 மணிக்கு புறப்பட்டு திருவனந்தபுரம் வடக்கு ரெயில் நிலையத்திற்கு காலை 7.40 மணிக்கு வந்தடையும்.

திருவனந்தபுரம்-சென்னை எக்ஸ்பிரஸ்(12696) நாளை(ஞாயிற்றுக்கிழமை) முதல் ஆகஸ்டு 9-ந்தேதி வரை திருவனந்தபுரத்தில் இருந்து மாலை 5.15 மணிக்கு புறப்பட வேண்டிய ரெயில் மாலை திருவனந்தபுரம் வடக்கு ரெயில் நிலையத்தில் இருந்து மாலை 5.20 மணிக்கு புறப்படும். இந்த தகவலை சேலம் ரெயில்வே கோட்ட அதிகாரி மரியா மைக்கேல் தெரிவித்துள்ளார்.