குலசேகரன்பட்டினம் ராக்கெட் ஏவுதளம் அமைப்பதற்கான பணிகளை பூமி பூஜையுடன் இஸ்ரோ தொடங்கியது.

தருமபுரி மாவட்டம் பாலக்கோடு அருகே சரக்கு லாரி மீது கார் மோதி விபத்துக்குள்ளானதில் முனிகிருஷ்ணன், பசவராஜ் மற்றும் ஸ்ரீநிவாஸ் ஆகிய 3 பேர் உயிரிழந்தனர். தருமபுரி அருகே ஜிட்டாண்டஅள்ளி பிரிவு சாலை அருகே கட்டுப்பாட்டை இழந்த கார் சாலையோரம் நின்றிருந்த லாரி மீது மோதி விபத்துக்குள்ளானது.

தொகுதி மறுசீரமைப்பு விவகாரம் தொடர்பான முதல்-அமைச்சரின் தீர்மானத்திற்கு அனைத்து பிரதான கட்சிகள் ஆதரவு தெரிவித்துள்ளது. 

தொகுதி மறுவரையறைக்கு எதிராக தமிழ்நாடு அரசு மிகச்சிறப்பான கூட்டத்தை கூட்டியுள்ளது. மாநில அரசின் தீர்மானத்தை தேமுதிக முழுமையாக ஆதரிக்கிறது என்று தேமுதிக அவைத்தலைவர் இளங்கோவன் கூறியுள்ளார்.

தென்னிந்திய மாநில பிரதிநிதிகள் அடங்கிய ‘கூட்டு நடவடிக்கை குழு'வை விசிக வரவேற்கிறது, ஆதரிக்கிறது என்று அனைத்துக் கட்சிக் கூட்டத்தில் விசிக தலைவர் திருமாவளவன் கூறினார்.

தொகுதி மறுசீரமைப்பால் பாதிக்கப்படும் அனைத்து தென் மாநில முதலமைச்சர்களை, தமிழ்நாடு முதல்-அமைச்சர் மு.க.ஸ்டாலின் சந்தித்து பேச வேண்டும் என்று அனைத்துக் கட்சிக் கூட்டத்தில் பாமக தலைவர் அன்புமணி ராமதாஸ் கூறியுள்ளார்

தென் இந்தியாவில் மக்கள்தொகை குறைவாக இருப்பதால் மறுசீரமைப்பு நியாயமாக இருக்காது. தொகுதி மறுசீரமைப்பு தேவையற்றது. தற்போதுள்ள எண்ணிக்கையே தொடர வேண்டும் என்று அனைத்துக்கட்சி கூட்டத்தில்  தவெக பொதுச்செயலாளர் ஆனந்த் கூறியுள்ளார். 

தொகுதி மறுசீரமைப்பில் தமிழ்நாடு பாதிக்கப்படக்கூடாது என்று அனைத்துக்கட்சி கூட்டத்தில் அதிமுக முன்னாள் அமைச்சர் ஜெயக்குமார் கூறியுள்ளார்.

தஞ்சை மாவட்டம் திருவோணம் அருகே 7 மாத ஆண் குழந்தை மூச்சுத்திணறல் ஏற்பட்டு உயிரிழந்துள்ளது. உடற்கூராய்வில் பலூனை விழுங்கியதால் உயிரிழந்ததாக அதிர்ச்சி தகவல் வெளியாகி உள்ளது.