தொழிலதிபர் கொலை வழக்கு - முக்கிய குற்றவாளி கைது

• துபாயை சேர்ந்த தொழிலதிபர் சிகாமணி கோவையில் கொலை செய்யப்பட்ட விவகாரம்
• கொலை வழக்கில் தேடப்பட்டு வந்த முக்கிய குற்றவாளி சாரதா கைது
• கொலை வழக்கில் சாரதா வெளிநாடு தப்பி செல்லாமல் இருக்க லுக்-அவுட் நோட்டீஸ் வழங்கப்பட்டிருந்தது
• கோவையில் பதுங்கி இருந்த சாரதாவை தனிப்படை போலீசார் கைது செய்தனர்
• சாரதாவுடன் கடந்த மாதம் 22 ம் தேதி கோவை வந்த தொழிலதிபர் சிகாமணி கொலை செய்யப்பட்டார்
• சிகாமணியை கொலை செய்து விட்டு மீண்டும் துபாய் சென்ற சாரதா கடந்த 28ம் தேதி துபாயில் இருந்து சென்னை வந்தார்

நிறைவடைந்தது நீட் தேர்வு

நாடு முழுவதும் நடைபெற்ற இளநிலை மருத்துவப் படிப்புக்கான நீட் நுழைவுத் தேர்வு நிறைவு

நாடு முழுவதும் சுமார் 22 லட்சம் மாணவர்கள் பங்கேற்று நீட் தேர்வை எழுதினர்

தமிழகத்தில் சென்னை, மதுரை, திருச்சி உள்பட 31 மாவட்டங்களில் நீட் தேர்வு நடைபெற்றது

சென்னையில் மட்டும் 44 தேர்வு மையங்களில் மாணவர்கள் நீட் தேர்வை எழுதினர்

மும்பை விமான நிலையத்தில்ரசிகருடன் செல்பி எடுக்க மறுத்த அல்லு அர்ஜுன்

திருப்பதி,

நடிகர் அல்லு அர்ஜுன் சினிமா படப்பிடிப்பு சம்பந்தமாக மும்பை சென்றிருந்தார். அங்கிருந்து விமானம் மூலம் ஐதராபாத் புறப்பட தயாரானார்.மும்பை விமான நிலையத்தில் அவர் தனது பாதுகாவலர்களுடன் நடந்து சென்றார். அப்போது ரசிகர் ஒருவர் வேகமாக ஓடி சென்று அல்லு அர்ஜுன் அருகே நின்று செல்பி எடுக்க முயன்றார். இதற்கு அல்லு அர்ஜுன் எதிர்ப்பு தெரிவித்து விட்டு வேகமாக சென்றார்.

இதனை தொடர்ந்து அவருடைய பாதுகாவலர்கள் அந்த ரசிகரை அப்புறப்படுத்தினர்.அல்லு அர்ஜுன் ரசிகருடன் செல்பி எடுக்க மறுத்த வீடியோ காட்சிகள் சமூக வலைதளங்களில் பரவியது.இதற்கு கடும் எதிர்ப்பு கிளம்பியுள்ளது. பல்வேறு தரப்பினர் அல்லு அர்ஜுனுக்கு எதிராக பதிவிட்டு வருகின்றனர்.அல்லு அர்ஜுன் தனது ரசிகருக்காக சில நிமிடங்களை ஒதுக்கியிருக்கலாம்."அவர் மிகவும் போலியான புன்னகை கொண்டவர். அல்லு அர்ஜுன் இன்னும் புஷ்பா கதாபாத்திரத்தில் இருந்து மாறவில்லை. அதே குணத்துடன் இருப்பதாகத் தெரிகிறது என விமர்சித்தனர். இதற்கு அல்லு அர்ஜுனின் ரசிகர்கள் பதிலடி கொடுத்து வருகின்றனர்.

சென்னையில் பல்வேறு இடங்களில் மழை பெய்து வருகிறது. எழும்பூர், வேப்பேரி, காசிமேடு, ஈக்காட்டு தாங்கல், வடபழனி உள்ளிட்ட இடங்களில் மழை பெய்து வருகிறது.

• தாமதம் - நீட் தேர்வு எழுதாமல் சென்ற மாணவி
• தேர்வு மையத்திற்கு தாமதமாக வந்த மாணவி - நீட் தேர்வு எழுத முடியாமல் சென்ற சோகம்
• ப்ரீத்தி என்ற மாணவி செய்யாறில் இருந்து 1.40 மணிக்கு வந்த நிலையில் மையத்தில் அனுமதி மறுப்பு
• நேரம் கடந்த காரணத்தால் தேர்வு எழுதாமல் திரும்பிச் சென்றார் மாணவி ப்ரீத்தி

• நீட் தேர்வு - ஹால் டிக்கெட்டை மறந்து வந்த மாணவன்
• மதுரையில், நீட் தேர்வுக்கு ஹால் டிக்கெட்டை மறந்து வைத்து விட்டு வந்த மாணவரால் பரபரப்பு
• ஊமச்சிகுளம் அருகே உள்ள யாதவா ஆண்கள் கல்லூரியில் நீட் தேர்வு எழுத வந்த மாணவன், ஹால் டிக்கெட்டை மறந்து வைத்து வந்ததால் பரபரப்பு
• ஹால் டிக்கெட்டை மறந்து வந்த மாணவன் அமர்நாத்துக்கு, கூடல் புதூர் காவலர் விஜயலட்சுமி போன் கொடுத்து உதவி
• காவலர் விஜயலட்சுமி கொடுத்த போன் மூலம் பெற்றோரை தொடர்பு கொண்டு ஹால் டிக்கெட்டை பெற்ற மாணவன்