சென்னையில் நிலையான வளர்ச்சியை உறுதி செய்வதே நோக்கம். 136 நகரங்களுக்கான திட்டங்கள் தீட்டப்பட்டு வருகின்றன என முதல்-அமைச்சர் மு.க.ஸ்டாலின் கூறியுள்ளார்.

புதுச்சேரி ரெயின்போ நகரில் 2 இளைஞர்கள் வெட்டி படுகொலை செய்யப்பட்டுள்ளனர். வெட்டிக்கொல்லப்பட்ட ரிஷி பிரபல தெஸ்தானின் மகன் என்பது தெரியவந்துள்ளது. மற்றொருவர் திடீர் நகரைச் சேர்ந்த தேவா என்பது விசாரணையில் தெரியவந்துள்ளது. மேலும் வெட்டு காயங்களுடன் மீட்கப்பட்ட ஜே.ஜே.நகரைச் சேர்ந்த ஆதி, மருத்துவமனையில் அனுமதிக்கப்பட்டுள்ளார். சம்பவ இடத்தில் டி.ஐ.ஜி சத்தியசுந்தரம், எஸ்.எஸ்.பி நாரா சைதன்யா சம்பவ இடத்தில் விசாரணை நடத்தி வருகின்றனர்.

சென்னையில் ஆபரணத் தங்கத்தின் விலை சவரனுக்கு ரூ.80 உயர்ந்துள்ளது. 1 சவரன் ரூ.63,920க்கும், ஒருகிராம் ரூ.7,990க்கு விற்பனை ஆகிறது.

திருச்செந்தூர்: மனப்பாடு அருகே உள்ள பள்ளி விடுதியொன்றில், இரவு உணவு சாப்பிட்ட 8 மாணவர்களுக்கு வாந்தி மயக்கம் ஏற்பட்டது. தக்காளி சட்னியில் பல்லி கிடந்ததாக மாணவர்கள் தகவல் தெரிவித்துள்ளனர். திருச்செந்தூர் அரசு மருத்துவமனையில் சிகிச்சைக்காக மாணவர்கள் அனுமதிக்கப்பட்டுள்ளனர். குலசேகரன்பட்டினம் போலீசார் இச்சம்பவம் குறித்து விசாரணை நடத்தி வருகின்றனர்.

அந்தியூர் தொகுதியில் வெற்றி வாய்ப்பை இழந்ததற்கு துரோகம்தான் காரணம் என கூறினேன். துரோகம் செய்தார்கள் என பேசியது அந்தியூர் தொகுதிக்கு மட்டுமே பொருந்தும். ஆர்.பி. உதயகுமார் என்னை பற்றி பேசவில்லை. நான் செங்கோட்டையனை விமர்சிக்கவில்லை என ஆர்.பி. உதயகுமாரே கூறிவிட்டாரே என கோபிசெட்டிபாளையத்தில் செய்தியாளர் சந்திப்பின்போது செங்கோட்டையன் கூறியுள்ளார். 

ராமநாதபுரம் அருகே அரசு பஸ்சும் காரும் மோதிய விபத்தில் 3 பேர் பரிதாபமாக உயிரிழந்தனர்.

அமெரிக்காவில் இருந்து நாடு கடத்தப்பட்டவர்களை அனுப்பி வைக்கும் 2-வது விமானம் நாளை இந்தியா வர உள்ளது.

பிரதமர் மோடி வருகிற 28-ந்தேதி தமிழகத்திற்கு வருகை தருகிறார். பாம்பன் புதிய பாலத்தை திறந்து வைப்பதற்காக அவர் தமிழகம் வருகிறார். இதற்கான ஏற்பாடுகளை செய்ய அதிகாரிகளுக்கு உத்தரவிடப்பட்டுள்ளது.

சென்னை நங்கநல்லூரில் அடுக்குமாடி குடியிருப்பின் கேட் சரிந்து விழுந்ததில் சிறுமி உயிரிழந்தார்.

பெரம்பலூரில் 3 பெண்களை காதலித்து ஏமாற்றிய `கில்லாடி' இளைஞரை முதல் மனைவி கொடுத்த புகாரில் மகளிர் போலீசார் கைது செய்தனர்.