மும்பையில் கடற்படை படகு மோதி, பயணிகள் படகு கவிழ்ந்ததில் 13 பேர் உயிரிழந்ததாகவும் 101 பேர் மீட்கப்பட்டுள்ளதாகவும் மராட்டிய முதல்-மந்திரி தேவேந்திர பட்னாவிஸ் கூறியுள்ளார்.

திருப்பதியில் வைகுண்ட ஏகாதசி தரிசன டிக்கெட் 24-ம் தேதி ஆன்லைனில் வெளியிடப்பட உள்ளது. நேரடி இலவச தரிசன நேர ஒதுக்கீடு டிக்கெட்டுகள் வைகுண்ட ஏகாதசி 2 நாட்கள் முன்னதாக வழங்க முடிவு செய்யப்பட்டுள்ளது.

எல்லையில் கிராமங்களை உருவாக்கும் சீனா

இந்தியாவுக்கும் சீனாவுக்கும் அமைதி பேச்சுவார்த்தை நடந்த நிலையில், பூடான் அருகே டோக்லாம் எல்லைப்பகுதியில் சீனா ரகசியமாக கிராமங்களை உருவாக்கி வருவது சாட்லைட் படங்கள் மூலம் தெரிய வந்துள்ளது. இந்தியாவுக்கு மிக நெருக்கமான இடங்களில் 8 கிராமங்களை சீனா அமைத்து இருப்பதை கண்டுபிடித்துள்ளனர். எல்லை பகுதியில் 22 கிராமங்களை சீனா திட்டமிட்டு உருவாக்குவது தெரியவந்துள்ளது.

அம்பேத்கர் குறித்து அமித்ஷா சொன்ன வார்த்தை திரும்பப் பெறப்பட வேண்டும். மக்களிடம் வருத்தம் தெரிவிக்க வேண்டும் என்று தேமுதிக பொதுச்செயலாளர் பிரேமலதா விஜயகாந்த் கூறியுள்ளார்.

நெல்லை, இருக்கன்துறை அருகே மண் சரிவு ஏற்பட்ட குவாரி, விதிமுறைகளை மீறி செயல்பட்டது கண்டுபிடிக்கப்பட்டது. இதனையடுத்து கல்குவாரியை தற்காலிகமாக மூட அதிகாரிகள் உத்தரவிட்டுள்ளனர்.

தமிழக காவல்துறையில் நேரடியாக டிஎஸ்பியாக சேர்ந்து தற்போது எஸ்பியாக பதவி வகிக்கும் 26 பேர் ஐபிஎஸ் அதிகாரிகளாக பதவி உயர்வு அறிவிக்கப்பட்டுள்ளது.

சென்னை கடல்நீர் மட்டம் ஆண்டுக்கு 4.31 மி.மீ உயர்வு

சென்னையில் கடல்நீர் மட்டம் ஆண்டுக்கு 4.31 மி.மீ உயருவதாக மத்திய அரசு தகவல் தெரிவித்துள்ளது. மக்களவையில் எழுப்பிய கேள்விக்கு மத்திய மந்திரி ஜிதேந்திர சிங் அளித்த பதிலில் தகவல் வெளியாகி உள்ளது.

கல்குவாரி விபத்து: ஒருவர் பலி

நெல்லை அருகே இருக்கன்துறை கல்குவாரியில் ஏற்பட்ட மண்சரிவில் சிக்கி தென்காசி மாவட்டத்தை சேர்ந்த லாரி டிரைவர் அருள்குமார் உயிரிழந்துள்ளதாக போலீசார் தரப்பில் தெரிவிக்கப்பட்டுள்ளது. படுகாயமடைந்த ஜேசிபி ஓட்டுநர் ராஜேஷ் நாகர்கோவில் மருத்துவமனையில் அனுமதிக்கப்பட்டுள்ளார் என்றும் மற்றொரு தொழிலாளி லேசான காயங்களுடன் உயிர் தப்பியாக கூறப்படுகிறது.