கேரள மருத்துவக்கழிவுகள் தமிழ்நாட்டில் கொட்டப்படுவதற்கு பசுமை தீர்ப்பாயம் கடும் கண்டனம் தெரிவித்துள்ளது. மருத்துவகழிவினை அகற்றும் செலவை கேரள அரசு ஏற்கவேண்டும். கேரள மாசுகட்டுப்பாட்டு வாரியத்திடம் வசூலிக்க தமிழ்நாடு மாசுகட்டுப்பாட்டு வாரியத்திற்கு பசுமைத்தீர்ப்பாயம் உத்தரவிட்டுள்ளது. 

அம்பேத்கர் விவகாரம் தொடர்பாக எனது பேச்சின் ஒரு பகுதியை மட்டுமே எடுத்து எதிர்க்கட்சிகள் திரித்து குறை சொல்கின்றனர் என்று உள்துறை மந்திரி அமித்ஷா கூறியுள்ளார்.

சென்னை, திருவள்ளூர், காஞ்சிபுரம், செங்கல்பட்டு,ராணிப்பேட்டை, வேலூர், திருப்பத்தூர், தர்மபுரி, தி.மலை, விழுப்புரம், கள்ளக்குறிச்சி, கடலூர், குமரி ஆகிய மாவட்டங்களில் இரவு 7 மணி வரை மழைக்கு வாய்ப்பு உள்ளதாக சென்னை வானிலை ஆய்வு மையம் தகவல் தெரிவித்துள்ளது.

அம்பேத்கர் குறித்த அமித்ஷாவின் கருத்து கண்டிக்கத்தக்கது. வணங்கப்பட வேண்டிய தலித்தலைவர் ஒருவர் அவமானப்படுத்தப்பட்டுள்ளார் என்று காங்கிரஸ் தலைவர் மல்லிகார்ஜுன கார்கே கூறியுள்ளார். 

அண்ணாமலை பல்கலை. துணைவேந்தரை நியமனம் செய்வதற்கான தேடுதல் குழுவைத் திரும்ப பெறுமாறு தமிழக அரசுக்கு கவர்னர் ஆர்.என்.ரவி உத்தரவிட்டுள்ளார். அரசு நியமித்த தேடுதல் குழுவில் யுஜிசி பிரதிநிதி இல்லாமல் இருப்பது விதிகளுக்கு முரணானது என கவர்னர் ஆர்.என்.ரவி கூறியுள்ளார்.

வேலூர் அருகே சிறுத்தை தாக்கி இளம்பெண் உயிரிழப்பு?

வேலூர் கே.வி.குப்பம் அருகே துருவம் கிராமத்தில் சிறுத்தை தாக்கி 23 வயது இளம்பெண் உயிரிழந்ததாக தகவல் வெளியாகி உள்ளது. வீட்டில் இருந்து சுமார் 100 மீட்டர் தொலைவில் ரத்த வெள்ளத்தில் இளம்பெண் உயிரிழந்ததாக கூறப்படுகிறது. சம்பவ இடத்திற்கு கே.வி.குப்பம் போலீசார் விரைந்துள்ளனர். துருவம் என்ற கிராமத்தில் சிறுத்தை தாக்கி இளம்பெண் உயிரிழந்ததாக போலீசார் தரப்பில் கூறப்படுகிறது.

மத்திய மந்திரி அமித்ஷாவுக்கு தவெக தலைவர் விஜய் கண்டனம்

எங்கள் கொள்கைத்தலைவரை அவமதிப்பதை ஒருபோதும் அனுமதிக்க முடியாது என்று த.வெ.க. தலைவர் விஜய் மத்திய மந்திரி அமித்ஷாவுக்கு கண்டனம் தெரிவித்துள்ளார். யாரோ சிலருக்கு வேண்டுமானால் அம்பேத்கர் பெயர் ஒவ்வாமையாக இருக்கலாம். ஒப்பற்ற அரசியல் மற்றும் அறிவுலக ஆளுமை அம்பேத்கர் என்று தவெக தலைவர் விஜய் கூறியுள்ளார். 

திருப்பத்தூர் மாவட்டம் வாணியம்பாடி அடுத்த ஆலங்காயம், காவலூர் மற்றும் சுற்றுவட்டாரப்பகுதிகளில் கனமழை பெய்து வருகிறது. 

சாகித்ய அகாடமி விருது அறிவிக்கப்பட்டுள்ள எழுத்தாளர் ஆ.இரா.வேங்கடாசலபதிக்கு முதல்-அமைச்சர் மு.க.ஸ்டாலின் வாழ்த்து தெரிவித்துள்ளார்.