பழனி முருகன் கோவிலில் மாதாந்திர பராமரிப்பு பணிகளுக்காக வரும் ஏப்ரல் 2ம் தேதி ஒருநாள் மட்டும் ரோப் கார் சேவை இயங்காது என தெரிவிக்கப்பட்டுள்ளது. பக்தர்கள் படிப்பாதை அல்லது மலை இழுவை ரயில் சேவையை பயன்படுத்த அறிவுறுத்தப்பட்டுள்ளது.

பிரதமர் நரேந்திர மோடியின் தனிச் செயலாளராக ஐ.எப்.எஸ் அதிகாரி நிதி திவாரி நியமனம் செய்யப்பட்டுள்ளார்.

டெல்லி அருகே நொய்டாவில் பிளாஸ்டிக் ஆலையில் பயங்கர தீ விபத்து ஏற்பட்டுள்ளது. இந்த ஆலையில் 15 பேர் சிக்கி இருப்பதாக தகவல் வெளியாகி உள்ளது. 8-க்கும் மேற்பட்ட தீயணைப்பு வாகனங்களில் சென்ற வீரர்கள், தீயை அணைக்க போராட்டம் நடத்தி வருகின்றனர். 

விடுபட்ட மகளிருக்கு இன்னும் 3 மாதத்தில் மகளிர் உரிமைத் தொகை வழங்கப்படும் என்று அமைச்சர் தங்கம் தென்னரசு கூறியுள்ளார். 

விடுபட்ட மகளிருக்கு இன்னும் 3 மாதத்தில் மகளிர் உரிமைத் தொகை வழங்கப்படும் என்று அமைச்சர் தங்கம் தென்னரசு கூறியுள்ளார். 

மன்னவனூர் சூழல் சுற்றுலா தளத்தில், நாளை முதல் 4 நாட்களுக்கு அனுமதி இல்லை என வனத்துறை அறிவித்துள்ளது.

பொள்ளாச்சி அருகே ஓட்டலில் போதிய வருவாய் இல்லாததால் கணவன் - மனைவி த*கொலை செய்துகொண்டதாக தகவல் வெளியாகி உள்ளது. பிள்ளைகள் விடுமுறைக்காக பாட்டி வீட்டிற்கு சென்ற நிலையில் பெற்றோர் விபரீத முடிவு எடுத்துள்ளனர்.

கடலூர் மாவட்டம் திட்டக்குடி அருகே ரூ.83,500 கள்ள நோட்டுகள் பறிமுதல் செய்யப்பட்டுள்ளது. கள்ள நோட்டு விவகாரத்தில் போலீசாரால் தேடப்பட்டு வரும் செல்வம் விசிகவில் இருந்து நீக்கப்பட்டுள்ளார்.

மராத்தி மொழியை பேச மறுப்பவர்கள் கன்னத்தில் அறைய வேண்டும். இந்தி திணிப்புக்கு எதிராக தமிழ்நாடு போராடுவதை பாருங்கள் என மராட்டிய நவநிர்மாண் சேனா தலைவர் ராஜ் தாக்கரே பேசி உள்ளார்.

கொடைக்கானல் செல்லும் சுற்றுலாப்பயணிகளின் வாகனங்களுக்கு சென்னை ஐகோர்ட்டு விதித்த கட்டுப்பாடுகள் நாளை (ஏப்ரல் 1) முதல் அமலாகிறது.