ஐ.எஸ்.எல். கால்பந்து தொடர்; கோவாவை வீழ்த்திய ஜாம்ஷெட்பூர் எப்.சி

Image Courtesy: @IndSuperLeague / @FCGoaOfficial / @JamshedpurFC
11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது.
ஜாம்ஷெட்பூர்,
13 அணிகள் இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து போட்டி பல்வேறு நகரங்களில் நடந்து வருகிறது. இந்நிலையில், இந்த தொடரில் இன்று ஒரு லீக் ஆட்டம் நடைபெற்றது.
அதன்படி, ஜாம்ஷெட்பூரில் இரவு 7.30 மணிக்கு தொடங்கிய ஆட்டத்தில் ஜாம்ஷெட்பூர் எப்.சி - எப்.சி. கோவா அணிகள் மோதின. தொடக்கம் முதலே விறுவிறுப்பாக நடைபெற்ற இந்த ஆட்டத்தின் முதல் பாதியில் ஜாம்ஷெட்பூர் அணி 2 கோலும் (34 மற்றும் 37வது நிமிடம்), கோவா அணி ஒரு கோலும் (45+1வது நிமிடம்) அடித்தன.
தொடர்ந்து நடைபெற்ற 2வது பாதி ஆட்டத்தில் ஜாம்ஷெட்பூர் அணி மேலும் ஒரு கோல் (68வது நிமிடம்) அடித்து அசத்தியது. அதேசமயம் 2வது பாதி ஆட்டத்தில் கோவா அணி கோல் அடிக்க எடுத்த முயற்சிகளுக்கு பலன் கிடைக்கவில்லை. இறுதியில் இந்த ஆட்டத்தில் 3-1 என்ற கோல் கணக்கில் கோவா அணியை வீழ்த்தி ஜாம்ஷெட்பூர் வெற்றி பெற்றது.