ஐதராபாத்,

ஐதராபாத், 11-வது புரோ கபடி லீக் போட்டி ஐதராபாத்தில் நடந்து வருகிறது. இதில் பங்கேற்றுள்ள 12 அணிகள் தங்களுக்குள் தலா 2 முறை மோத வேண்டும். லீக் சுற்று முடிவில் முதல் 6 இடங்களை பிடிக்கும் அணிகள் 'பிளே-ஆப்' சுற்றுக்கு தகுதி பெறும்.

இந்நிலையில், இந்த தொடரில் இன்று 2 லீக் ஆட்டங்கள் நடைபெறுகின்றன. அதில் இரவு 9 மணிக்கு தொடங்கும் ஆட்டத்தில் தமிழ் தலைவாஸ் - பெங்களூரு புல்ஸ் அணிகள் மோத உள்ளன. முன்னதாக இரவு 8 மணிக்கு தொடங்கும் ஆட்டத்தில் புனேரி பால்டன் - குஜராத் ஜெயண்ட்ஸ் அணிகள் மோத உள்ளன.

இந்த தொடரில் இதுவரை நடந்துள்ள லீக் ஆட்டங்களின் முடிவில் புள்ளிப்பட்டியலில் புனேரி பால்டன் முதல் இடத்திலும், தமிழ் தலைவாஸ் 2வது இடத்திலும், குஜராத் ஜெயண்ட்ஸ் 11வது இடத்திலும், பெங்களூரு புல்ஸ் 12வது இடத்திலும் உள்ளன.