புனே,

11-வது புரோ கபடி லீக் தொடர் கடந்த அக்டோபர் 18-ம் தேதி ஐதராபாத்தில் தொடங்கியது. இந்த தொடரின் முதற்கட்ட லீக் ஆட்டங்கள் ஐதராபாத்திலும், 2-வது கட்ட லீக் ஆட்டங்கள் நொய்டாவிலும் நடைபெற்று முடிந்தன. இந்த தொடரின் 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது.

இந்நிலையில், இந்த தொடரில் இன்று 2 லீக் ஆட்டங்கள் நடைபெறுகிறது. இதில் இரவு 8 மணிக்கு தொடங்கிய முதல் ஆட்டத்தில் உ.பி.யோத்தாஸ் - புனேரி பால்டன் அணிகள் மோதின. இந்த போட்டியில் தொடக்கம் முதலே இரு அணிகளும் மாறி மாறி புள்ளிகள் எடுத்தன.

இறுதியில் இந்த ஆட்டத்தில் 36-33 என்ற புள்ளிக்கணக்கில் புனேரி பால்டனை வீழ்த்தி உ.பி.யோத்தாஸ் திரில் வெற்றி பெற்றது. இன்று நடைபெற்று வரும் மற்றொரு ஆட்டத்தில் தெலுங்கு டைட்டன்ஸ் - பெங்கால் வாரியர்ஸ் அணிகள் ஆடி வருகின்றன.