சிங்கப்பூர்,

இந்திய கிராண்ட்மாஸ்டர் டி.குகேஷ், நடப்பு சாம்பியன் சீனாவின் டிங் லிரென் இடையிலான உலக செஸ் சாம்பியன்ஷிப் போட்டி சிங்கப்பூரில் நடந்து வருகிறது. 14 சுற்றுகள் கொண்ட இந்த போட்டியில் முதல் சுற்றில் டிங் லிரெனும், 3-வது சுற்றில் குகேசும் வெற்றி பெற்றனர். 2-வது, 4-வது சுற்று ஆட்டங்கள் டிராவில் முடிந்தன.

இந்த நிலையில் 5-வது சுற்று ஆட்டம் நேற்று நடந்தது. இந்த மோதலில் 40-வது நகர்த்தலில் இருவரும் டிரா செய்ய ஒப்புக்கொண்டனர். 5 சுற்றுகள் முடிவில் இருவரும் தலா 2½ புள்ளியுடன் சமநிலையில் உள்ளனர். இன்று 6வது சுற்று ஆட்டம் நடக்கிறது.