சென்னை,

நடிகர் ரஜினிகாந்த் நடிப்பில் எஸ்.பி. முத்துராமன் இயக்கத்தில் கடந்த 1983-ம் ஆண்டு வெளியான திரைப்படம் 'பாயும் புலி'. இந்த படத்தில் நடிகர் ரஜினிகாந்த் பயன்படுத்திய பைக் தற்போது ஏவிஎம் ஹெரிட்டேஜ் மியூசியத்தில் வைக்கப்பட்டுள்ளது.

இந்த நிலையில் இந்த பைக்கின் மீது அமர்ந்து நடிகர் ரஜினிகாந்த் தற்போது புகைப்படம் எடுத்துக் கொண்டுள்ளார். இந்த புகைப்படத்தை ஏவிஎம் படத்தயாரிப்பு நிறுவனம் தன்னுடைய சமூக வலைதள பக்கத்தில் பகிர்ந்துள்ளது.

அந்தப் பதிவில், "காலத்தின் பொக்கிஷமான தருணம்... ஏவிஎம் மியூசியத்தில் நீங்கள் மீட்டெடுக்கக்கூடிய ஒன்று. 'பாயும் புலி'யில் சூப்பர் ஸ்டார் ரஜினிகாந்த் பயன்படுத்திய புகழ்பெற்ற பைக்கைப் பார்க்க வாருங்கள்" என்று தெரிவிக்கப்பட்டுள்ளது. இந்த புகைப்படம் தற்போது இணையத்தில் வைரலாகி வருகிறது.