விஜய்சேதுபதி நடித்த `பீட்சா' படம் வெற்றி பெற்றதால் அதன் இரண்டாம் பாகமும் வெளியானது. தற்போது பீட்சா 3-ம் பாகம் `பீட்சா 3 மம்மி' என்ற பெயரில் தயாராகி உள்ளது. இதில் அஸ்வின் காக்குமனு, பவித்ரா மாரிமுத்து, கவுரவ் நாராயணன், காளி வெங்கட், குரேஷி, அனுபமா, அபி உள்ளிட்ட பலர் நடித்துள்ளனர். இந்த படத்தை மோகன் கோவிந்த் டைரக்டு செய்துள்ளார்.

படம் பற்றி அவர் கூறும்போது, ``இருக்கையை விட்டு துள்ளி எழ வைக்கும் திகில் காட்சிகளும், யூகிக்க முடியாத திடீர் திருப்பங்களும் நிறைந்த திகில் படமாக தயாராகி உள்ளது. பார்வையாளர்களை இருக்கைகளின் நுனிக்கே கொண்டு வரும். மறக்க முடியாத திரை அனுபவமாகவும் இருக்கும். முதல் இரண்டு பாகங்களை விட வித்தியாசமாக உருவாகி உள்ளது.

தமிழ் திரையுலகில் செய்யப்படாத சில புதிய முயற்சிகள் இந்த படத்தில் மேற்கொள்ளப்பட்டு உள்ளன'' என்றார். 80 சதவீத காட்சிகள் இரவில் படமாக்கப்பட்டு உள்ளன. சி.வி.குமார் தயாரித்துள்ளார். ஒளிப்பதிவு: பிரபு ராகவ், இசை: அருண் ராஜ்.