திரையரங்குகளில் வெளியானது ஷாருக்கானின் 'டங்கி'... ரசிகர்கள் பட்டாசு வெடித்து உற்சாக கொண்டாட்டம்
'டங்கி' திரைப்படம் உலகம் முழுவதும் இன்று திரையரங்குகளில் வெளியானது.
இயக்குனர் ராஜ்குமார் ஹிரானி இயக்கத்தில் ஷாருக்கான் நடிப்பில் உருவாகியுள்ள திரைப்படம் 'டங்கி'. இந்த படத்தில் ஷாருக்கானுடன் பொமன் இரானி, டாப்ஸி பண்ணு, விக்கி கவுஷல், விக்ரம் கோச்சார், அனில் குரோவர் உள்ளிட்ட பலர் நடித்துள்ளனர்.
இப்படத்தை ஜியோ ஸ்டுடியோஸ், ரெட் சில்லீஸ் என்டர்டெய்ன்மென்ட் மற்றும் ராஜ்குமார் ஹிரானி பிலிம்ஸ் ஆகிய பட நிறுவனங்கள் சார்பில் ராஜ்குமார் ஹிரானி மற்றும் கவுரி கான் ஆகியோர் இணைந்து தயாரித்துள்ளனர். இப்படத்திற்கு அபிஜித் ஜோஷி, ராஜ்குமார் ஹிரானி மற்றும் சுனில் தில்லான் ஆகியோர் கதை எழுதி உள்ளனர்.
இந்த திரைப்படம் உலகம் முழுவதும் இன்று திரையரங்குகளில் வெளியாகி வரவேற்பை பெற்று வருகிறது. இந்த நிலையில் மராட்டிய மாநிலம் மும்பையில் உள்ள திரையரங்குகளில் கூடிய ஷாருக்கான் ரசிகர்கள் பட்டாசு வெடித்து உற்சாகமாக கொண்டாடினர்.
Related Tags :
Next Story