உணவு

முகலாய மஷ்ரூம் + "||" + mughal mushroom

முகலாய மஷ்ரூம்

முகலாய மஷ்ரூம்
‘முகலாய மஷ்ரூம்’ எப்படி தயார் செய்வது என்று பார்க்கலாம்.
முகலாயர்களின் ஆட்சிக் காலத்தில் மத்திய ஆசிய உணவுகள் இந்தியாவில் அறிமுகப்படுத்தப்பட்டன. இந்த உணவு முறையுடன், நமது பாரம்பரிய உணவு முறையையும் இணைத்து பல புதுமையான உணவு வகைகள் தயாரிக்கப்பட்டன. 

அவை மக்களிடம் நல்ல வரவேற்பை பெற்றன. அந்த வரிசையில் அறிமுகப்படுத்தப்பட்ட உணவுதான், சுவை மிகுந்த ‘முகலாய மஷ்ரூம்’. 
அதன் தொகுப்பு இங்கே...

தேவையான பொருட்கள்
காளான் - 300 கிராம்
தயிர் - 200 மில்லி கிராம்
இஞ்சி-பூண்டு விழுது - 2 தேக்கரண்டி
பச்சை மிளகாய் - 2
உலர்ந்த வெந்தய இலை (கசூரி மேத்தி) - 2 தேக்கரண்டி
நறுக்கிய கொத்தமல்லி தழை - 200 கிராம்
வெங்காயம் - 4
மிளகாய் தூள் - 2 தேக்கரண்டி
மஞ்சள் தூள் - ½ தேக்கரண்டி
கறி மசாலா பொடி - 1 தேக்கரண்டி
முந்திரி பொடி - 2 தேக்கரண்டி
உலர் தேங்காய் பொடி - 2 தேக்கரண்டி
கசகசா - ½ தேக்கரண்டி
தக்காளி  - 2
எண்ணெய் - 4 தேக்கரண்டி
உப்பு - தேவையான அளவு

செய்முறை:
2 வெங்காயத்தை பொடிதாக நறுக்கி, வெண்ணெய்யில் போட்டு மிதமான தீயில் பொன்னிறமாக பொரித்து எடுக்கவும். மீதம் உள்ள 2 வெங்காயத்தை நறுக்கிக்கொள்ளவும். தக்காளியை விழுதாக அரைத்துக்கொள்ளவும்.

அகலமான பாத்திரத்தில் சுத்தப்படுத்திய காளான், தயிர், இஞ்சி-பூண்டு விழுது, பொடிதாக நறுக்கிய பச்சை மிளகாய், உலர்ந்த வெந்தய இலை, கொத்தமல்லி தழை, நறுக்கிய வெங்காயம், மிளகாய் தூள், மஞ்சள் தூள், கறி மசாலா பொடி மற்றும் தேவையான அளவு உப்பு சேர்த்து நன்றாகக் கிளறி 10 நிமிடங்கள் மூடி வைக்கவும்.

மற்றொரு பாத்திரத்தில் எண்ணெய் ஊற்றி சூடானதும், மிதமான தீயில் பொடிதாக நறுக்கிய வெங்காயம் மற்றும் கசகசா சேர்த்து சிறிது வதக்கவும். பின்பு அதில் முந்திரி பொடி, தேங்காய் பொடி சேர்த்து பொன்னிறமாக வறுக்கவும். 

இதனுடன் அரைத்த தக்காளி விழுதை சேர்க்கவும்.  நன்றாக வதங்கியதும் அதில் ஊற வைத்த காளான் மசாலாவைக் கொட்டிக் கிளறவும். தண்ணீர் சேர்க்காமல்  10 முதல் 15 நிமிடங்கள் வரை வேக விடவும். 

பின்பு சிறிது கொத்தமல்லி தழை மற்றும் முந்திரி பொடியை மேலே தூவவும்.  இப்போது சுவையான முகலாய மஷ்ரூம் ரெடி. இதை இட்லி, தோசை, பரோட்டா அல்லது சப்பாத்தியுடன் சேர்த்து பரிமாறலாம்! 

தொடர்புடைய செய்திகள்

1. மாதவிடாய் வலியைக் குறைக்கும் சுப்த பத்தகோனாசனம்
வடமொழியில் ‘சுப்த’ என்றால் ‘படுத்திருத்தல்’, ‘பத்த கோனாசனம்’ என்றால் ‘கட்டப்பட்ட ஆசன நிலை’ என்று பொருள். எனவே தான் இந்த ஆசனத்தை ‘சுப்த பத்தகோனாசனம்’ என அழைக்கிறார்கள்.
2. மாடலிங்கில் கலக்கும் கிராமத்து தேவதை - ஸ்டெபி கிட்டில்
கிராமத்தில் இருந்து வந்ததால், சாராசரி பெண்ணுக்கு இருக்கும் மேக்கப் நுணுக்கங்கள்கூட அப்போது எனக்கு தெரியாது. சரியாக மேக்கப் போடத் தெரியாது. மாடலிங், நடிப்பு போன்றவற்றில் பயிற்சி பெற்றது இல்லை. மிகவும் சிரமப்பட்டு ஒவ்வொன்றாகக் கற்றேன்.
3. ஓரிகாமி நகைகள்
ஓரிகாமி நகைகள் ஜப்பானியர்களின் காகிதக் கலை வடிவத்தை அடிப்படையாகக் கொண்டு உருவாக்கப்படுகின்றன.
4. நேரமின்மையால் உணர்வுகளை இழக்க வேண்டாம்..
நம் சுயநலத்துக்காகவும், பிற்காலத்தில் கிடைக்கப்போகும் சிறு பலனுக்காகவும் நிகழ்கால வாழ்வை மறந்து விடுகிறோம். கடிவாளம் கட்டிய குதிரையைப் போல, எதையோ நோக்கி, ஒரு நேர்கோட்டில் ஓடிக் கொண்டிருக்கிறோம்.
5. பெண்களை அதிகம் பாதிக்கும் ஒற்றைத் தலைவலி
ஆண்களை விட, பெண்களையே ஒற்றைத் தலைவலி அதிகம் பாதிக்கிறது. இது குறித்த மருத்துவ ஆய்வுகளின் அடிப்படையில், அதிக ஈஸ்ட்ரோஜன் அளவுக்கும், குறைவான சோடியம் புரோட்டான் எக்ஸ்சேஞ்சர் அளவுக்கும் உள்ள தொடர்பே இந்த மாறுபாட்டுக்குக் காரணமாக இருக்கலாம் என கூறப்படுகிறது.