காரைக்குடி அருகே ரெயில் தண்டவாளத்தில் அமர்ந்து பொதுமக்கள் போராட்டம்

இந்தநிலையில் நேற்று கவுல்கொல்லை பகுதி பொதுமக்கள், சங்கராபுரம் முன்னாள் ஊராட்சி மன்ற தலைவர் மாங்குடி, புதுவயல் நகர காங்கிரஸ் தலைவர் அமீர் ஆகியோர் தலைமையில், அகல ரெயில் பாதை அமைக்கும் பணியின்போது கவுல்கொல்லை பகுதியில் அகற்றப்பட்ட சாலையை மீண்டும் அமைக்கக் கோரி ரெயில் தண்டவாளத்தில் அமர்ந்து போராட்டம் நடத்தினர்.

போராட்டத்தின் போது தண்டவாளத்தில் ஜல்லிக்கற்கள் ஏற்றி வந்த லாரியையும் அவர்கள் மறித்து போராட்டத்தை தொடர்ந்தனர். இதனால் அப்பகுதியில் பரபரப்பு ஏற்பட்டது. இதுகுறித்து தகவல் அறிந்த காரைக்குடி தாசில்தார் கண்ணன் மற்றும் ரெயில்வே அதிகாரிகள் போராட்டம் நடத்திய மக்களிடம் பேச்சுவார்த்தை நடத்தினர். இதுகுறித்து மேல் அதிகாரிகளிடம் தெரிவித்து சாலை அமைக்க நடவடிக்கை எடுக்கப்படும் என்று உறுதியளித்ததை தொடர்ந்து போராட்டம் கைவிடப்பட்டது.