சூட்கேஸ் ஜிப்பாக தயாரித்து நாகை பயணி கடத்தி வந்த ரூ.7½ லட்சம் தங்கம் பறிமுதல்

திருச்சி,

கோலாலம்பூரில் இருந்து திருச்சி விமான நிலையத்துக்கு நேற்று முன்தினம் இரவு ஏர் ஏசியா விமானம் வந்தது. அந்த விமானத்தில் வந்த பயணிகளின் உடைமைகளை, சுங்கத்துறை வான் நுண்ணறிவு பிரிவு அதிகாரிகள் சோதனை செய்தனர்.

அப்போது ஒரு பயணியின் உடைமையை சோதனை செய்தபோது, சூட்கேஸ் ஜிப் தங்கத்தால் தயாரிக்கப்பட்டிருந்தது கண்டுபிடிக்கப்பட்டது.

தங்கம் பறிமுதல்

இதையடுத்து அந்த பயணியிடம் அதிகாரிகள் விசாரணை நடத்தினர். இதில் அவர், நாகப்பட்டினத்தை சேர்ந்த முகமது அதுலாம் என்பது தெரியவந்தது.

மேலும் அவர் சூட்கேஸ் ஜிப்பாக தயாரித்து கடத்தி வந்த 240 கிராம் தங்கத்தை அதிகாரிகள் பறிமுதல் செய்தனர். பறிமுதல் செய்யப்பட்ட தங்கத்தின் மதிப்பு ரூ.7 லட்சத்து 45 ஆயிரம் என்று அதிகாரிகள் தெரிவித்தனர்.