மாவட்ட செய்திகள்

மாவட்டத்தில் கடந்த ஆண்டு சாலை விபத்துகளில் 295 பேர் மரணம் போலீஸ் சூப்பிரண்டு ஜெயச்சந்திரன் தகவல் + "||" + 295 people died in road accidents last year Police Superintendent Information

மாவட்டத்தில் கடந்த ஆண்டு சாலை விபத்துகளில் 295 பேர் மரணம் போலீஸ் சூப்பிரண்டு ஜெயச்சந்திரன் தகவல்

மாவட்டத்தில் கடந்த ஆண்டு சாலை விபத்துகளில் 295 பேர் மரணம் போலீஸ் சூப்பிரண்டு ஜெயச்சந்திரன் தகவல்
மாவட்டத்தில் கடந்த ஆண்டு நிகழ்ந்த சாலை விபத்துகளில் 295 பேர் மரணம் அடைந்துள்ளனர் என்று மாவட்ட போலீஸ் சூப்பிரண்டு ஜெயச்சந்திரன் தெரிவித்தார்.

சிவகங்கை,

சிவகங்கை மாவட்டத்தில் கடந்த 2017–ம் ஆண்டில் 928 விபத்துகள் நடைபெற்றுள்ளது. இதில் 295 பேர் மரணம் அடைந்துள்ளனர். மரணம் அடைந்தவர்களில் 169 பேர் இருசக்கர வாகன விபத்துகளில் பலியாகியுள்ளனர். இதேபோல் கனரக வாகனம், நான்கு சக்கர வாகன விபத்துகளில் 41 பேரும், மூன்று சக்கர வாகனம் மற்றும் சைக்கிள் விபத்துகளில் 26 பேரும் இறந்துள்ளனர். இதுதவிர நடந்து சென்றவர்கள் 59 பேர் வாகனம் மோதி மரணம் அடைந்துள்ளனர். மேலும் விபத்துகளில் 1,472 பேர் காயம் அடைந்துள்ளனர். எனவே வாகனத்தை ஓட்டும்போது வரையறுக்கப்பட்ட வேகத்தில் மட்டுமே செல்ல வேண்டும். இருசக்கர வாகனங்களில் செல்லும்போது ஹெல்மெட் அணிந்து செல்வதால் மரணம் அடைவது குறையும்.

மாவட்டத்தில் கடந்த 2017–ம் ஆண்டு 2 லட்சத்து 41 ஆயிரத்து 39 வழக்குகள் பதிவு செய்யப்பட்டுள்ளன. இதில் குடிபோதையில் வாகனம் ஒட்டியதாக 9 ஆயிரத்து 347 வழக்குகள் பதிவு செய்யப்பட்டுள்ளன. எனவே இந்த ஆண்டு விபத்துகளை குறைக்க தீவிர நடவடிக்கை எடுக்கப்பட்டு வருகிறது. சாலைவிதிகளை பின்பற்றி விபத்துகளை தவிர்க்க வலியுறுத்தி விழிப்புணர்வு பிரசாரம் செய்யப்படுகிறது. மேலும் ஹெல்மெட் அணியாமல் வாகனங்களில் செல்பவர்களிடம் ஹெல்மெட் அணிவதால் விபத்துகளில் உயிரிழப்பு ஏற்படுவதை தவிர்க்கலாம் எனறு அன்புடன் தெரிவிக்க ஏற்பாடு செய்யப்பட்டுள்ளது. மேலும் ஹெல்மெட் அணிந்து செல்பவர்களுக்கு பரிசுகள் வழங்கிடவும் ஏற்பாடு செய்யப்பட்டுள்ளது.

இவ்வாறு அவர் கூறினார்.

முன்னதாக சிவகங்கை அரண்மனை வாசலில் டவுன் போலீஸ் இன்ஸ்பெக்டர் மோகன் தலைமையில் போலீசார் வாகனங்களில் செல்பவர்களிடம் ஹெல்மெட் அணிவதன் அவசியத்தை விளக்கி கூறி, விழிப்புணர்வு ஏற்படுத்தினர். அப்போது 3 சக்கர மோட்டார் வாகனம் ஓட்டிவந்த ஒருவர் ஹெல்மெட் அணிந்து வந்தார். இதனையடுத்து அவருக்கு போலீசார் பரிசு அளித்தனர்.



தொடர்புடைய செய்திகள்

1. உசிலம்பட்டி அருகே விபத்தில் 2 ஆயுதப்படை போலீஸ்காரர்கள் பலி; அதிர்ச்சியில் ஒருவரது தாயும் இறந்த பரிதாபம்
உசிலம்பட்டி அருகே நண்பரின் திருமணத்திற்கு சென்றுவிட்டு திரும்பியபோது நிகழ்ந்த விபத்தில் ஆயுதப்படை போலீஸ்காரர்கள் 2 பேர் பலியானார்கள். அதிர்ச்சியில் அவர்களில் ஒருவரது தாயும் உயிரிழந்தார்.
2. சத்தியமங்கலம் அருகே மில்லில் தீ விபத்து எந்திரங்கள்– மர பொருட்கள் எரிந்து நாசம்
சத்தியமங்கலம் அருகே மில்லில் ஏற்பட்ட தீ விபத்தில் அங்கிருந்த எந்திரங்கள் மற்றும் மர பொருட்கள் எரிந்து நாசம் ஆனது.
3. பொன்னேரி அருகே நிலக்கரி ஏற்றி சென்ற லாரி தடுப்பு சுவரில் மோதியது டேங்க் உடைந்து டீசல் கொட்டியது
பொன்னேரி அருகே நிலக்கரி ஏற்றி சென்ற லாரி தடுப்பு சுவரில் மோதியது. இதில் டேங்க் உடைந்து டீசல் கொட்டியது.
4. பள்ளிக்கூட கதவை உடைத்து அரையாண்டு தேர்வு வினாத்தாள்களை திருடிய மாணவர்கள்; போலீஸ் விசாரணையில் அதிர்ச்சி தகவல்
தேவகோட்டையில் பள்ளிக்கூட கதவை உடைத்து அரையாண்டு தேர்வு வினாத்தாள்கள் திருடப்பட்டது தொடர்பாக 7 மாணவர்கள் பிடிபட்டனர். இந்த சம்பவத்தை அரங்கேற்றியது எப்படி? என்பது குறித்து அந்த 7 பேரும் போலீசாரிடம் அதிர்ச்சி தகவலை தெரிவித்தனர்.
5. வளசரவாக்கத்தில் போதையில் போலீஸ்காரரை தாக்க முயன்ற 3 பேர் கைது
வளசரவாக்கத்தில் போதையில் போலீஸ்காரரை தாக்க முயன்ற 3 பேர் கைது செய்யப்பட்டனர்.