மாவட்ட செய்திகள்

தலைமை ஆசிரியர் தாக்கியதை கண்டித்து மாணவர்கள் வகுப்பை புறக்கணித்து போராட்டம் + "||" + Students boycott the class

தலைமை ஆசிரியர் தாக்கியதை கண்டித்து மாணவர்கள் வகுப்பை புறக்கணித்து போராட்டம்

தலைமை ஆசிரியர் தாக்கியதை கண்டித்து மாணவர்கள் வகுப்பை புறக்கணித்து போராட்டம்
ராமநத்தம் அருகே தலைமை ஆசிரியர் தாக்கியதை கண்டித்து மாணவர்கள் வகுப்பை புறக்கணித்து போராட்டத்தில் ஈடுபட்டனர்.

ராமநத்தம்,

ராமநத்தம் அருகே தொழுதூரில் அரசு மேல்நிலைப்பள்ளி உள்ளது. இந்த பள்ளிக்கூடத்தில் தொழுதூர் மற்றும் சுற்று வட்டார பகுதிகளை சேர்ந்த 500–க்கும் மேற்பட்ட மாணவர்கள் படித்து வருகின்றனர். இங்கு கடந்த ஆண்டு தொழில்முறை கல்வி பிரிவில் பிளஸ்–1 படித்த மாணவர்களுக்கு பாடப்புத்தகங்கள் வழங்கப்படவில்லை என கூறப்படுகிறது.

இந்த நிலையில் தொழில்முறை கல்வி பிரிவில் தற்போது பிளஸ்–2 படிக்கும் மாணவர்களுக்கும் இந்த கல்வி ஆண்டுக்கான பாடப்புத்தகங்கள் இதுவரை வழங்கப்படவில்லை. இதனால் பாதிக்கப்பட்ட மாணவர்கள் நேற்று இதுபற்றி தலைமை ஆசிரியர் ராஜேந்திரனிடம் கேட்டுள்ளனர்.

அப்போது தலைமை ஆசிரியர் ராஜேந்திரன், உடற்கல்வி ஆசிரியர் கருப்பையா, ஆசிரியர் கண்ணன் ஆகியோர் சேர்ந்து மாணவர்களை ஆபாசமாக திட்டி தாக்கியதாக கூறப்படுகிறது. இதில் ஆத்திரமடைந்த மாணவர்கள் வகுப்பை புறக்கணித்து பெற்றோருடன் சேர்ந்து தலைமை ஆசிரியர் மற்றும் ஆசிரியர்களை கண்டித்து பள்ளி வளாகத்தில் போராட்டத்தில் ஈடுபட்டனர். அப்போது மாணவர்கள், தங்களை தாக்கிய தலைமை ஆசிரியர் மற்றும் ஆசிரியர்கள் மீது நடவடிக்கை எடுக்க வலியுறுத்தி கோ‌ஷம் எழுப்பினர்.

இதுபற்றி தகவல் அறிந்த ராமநத்தம் போலீசார் சம்பவ இடத்திற்கு விரைந்து வந்து, போராட்டத்தில் ஈடுபட்டவர்களிடம் பேச்சுவார்த்தை நடத்தினர். அப்போது போலீசார், ஆசிரியர்கள் தாக்கியது குறித்து உயர் அதிகாரிகளுக்கு தகவல் தெரிவித்து, உரிய நடவடிக்கை எடுக்கப்படும் என உறுதியளித்தனர். இதை ஏற்ற மாணவர்கள் மற்றும் பெற்றோர் போராட்டத்தை கைவிட்டு அங்கிருந்து கலைந்து சென்றனர். இந்த சம்பவத்தால் பள்ளி வளாகத்தில் சிறிது நேரம் பரபரப்பு ஏற்பட்டது.


தொடர்புடைய செய்திகள்

1. தூத்துக்குடி அருகே பரபரப்பு: ஸ்டெர்லைட் எதிர்ப்பாளர் திடீர் கைது விடுவிக்கக்கோரி கிராமமக்கள் சாலைமறியல்
தூத்துக்குடி அருகே ஸ்டெர்லைட் எதிர்ப்பாளர் திடீரென கைது செய்யப்பட்டார். அவரை விடுவிக்கக்கோரி கிராமமக்கள் சாலை மறியலில் ஈடுபட்டதால் பரபரப்பு ஏற்பட்டது.
2. சேலத்தில் பரபரப்பு: தொழிலாளி கழுத்தை அறுத்து கொலை - தண்டவாளத்தில் உடல் வீச்சு
சேலத்தில் தொழிலாளி கழுத்தை அறுத்து கொலை செய்யப்பட்டார். தண்டவாளத்தில் வீசப்பட்ட அவருடைய உடலை போலீசார் மீட்டு விசாரணை நடத்தி வருகின்றனர்.
3. திருக்கோவிலூரில் பரபரப்பு: நள்ளிரவில் வீடு புகுந்து சிறுமிக்கு பாலியல் தொல்லை கொடுத்த வாலிபர்கள் - பிடிக்க முயன்ற போலீஸ்காரர் மீது கொலை வெறி தாக்குதல்
நள்ளிரவில் வீடு புகுந்து சிறுமிக்கு பாலியல் தொல்லை கொடுத்த வாலிபர்களை பிடிக்க முயன்ற போலீஸ்காரர் மீது கொலைவெறி தாக்குதல் நடந்த சம்பவம் பெரும் பரபரப்பை ஏற்படுத்தி உள்ளது.
4. கன்னியாகுமரியில் விடுதியில் வி‌ஷ மாத்திரை தின்ற கள்ளக்காதல் ஜோடி; பெண் சாவு வாலிபருக்கு தீவிர சிகிச்சை
கன்னியாகுமரியில் உள்ள விடுதியில் கள்ளக்காதல் ஜோடி வி‌ஷ மாத்திரை தின்றது. இதில் இளம்பெண் பரிதாபமாக இறந்தார். வாலிபருக்கு தீவிர சிகிச்சை அளிக்கப்படுகிறது.
5. ஹைட்ரோ கார்பன் திட்டத்திற்கு எதிர்ப்பு தெரிவித்து வீடுகளில் கருப்புக்கொடி ஏற்றி போராட்டம்
ஹைட்ரோ கார்பன் திட்டத்திற்கு எதிர்ப்பு தெரிவித்து திருக்காரவாசலில் வீடுகளில் கருப்புக்கொடி ஏற்றி மார்க்சிஸ்ட் கம்யூனிஸ்டு கட்சியினர் போராட்டத்தில் ஈடுபட்டனர்.