மாவட்ட செய்திகள்

9 வயது மகளை பலாத்காரம் செய்து கொன்றதாக தந்தைக்கு கீழ் கோர்ட்டு விதித்த தூக்கு தண்டனை ரத்து + "||" + The father sentenced her to death for killing her 9-year-old daughter

9 வயது மகளை பலாத்காரம் செய்து கொன்றதாக தந்தைக்கு கீழ் கோர்ட்டு விதித்த தூக்கு தண்டனை ரத்து

9 வயது மகளை பலாத்காரம் செய்து கொன்றதாக தந்தைக்கு கீழ் கோர்ட்டு விதித்த தூக்கு தண்டனை ரத்து
ராமேசுவரத்தில் 9 வயது சிறுமியை பலாத்காரம் செய்து கொன்றதாக தந்தைக்கு கீழ்கோர்ட்டு விதித்த தூக்கு தண்டனையை ரத்து செய்து மதுரை ஐகோர்ட்டு உத்தரவிட்டுள்ளது.

மதுரை,

ராமேசுவரம் கரையூர் பகுதியைச் சேர்ந்தவர் மாரி என்ற மாரிமுத்து (வயது 51). இவரது 9 வயது மகள் கடந்த 2013–ம் ஆண்டில் ராமேசுவரம் கடற்கரையில் கொலை செய்யப்பட்டு பிணமாக கிடந்தாள். இது தொடர்பாக ராமேசுவரம் கோவில் போலீசார் சந்தேக மரணம் என வழக்குப் பதிவு செய்தனர். பிரேத பரிசோதனையில், அந்தச் சிறுமி பலாத்காரம் செய்யப்பட்டு கொலை செய்யப்பட்டது தெரியவந்தது. இதனால் இந்த வழக்கை கொலை வழக்காக மாற்றி போலீசார் விசாரணை நடத்தி வந்தனர்.

3 ஆண்டுக்குப் பிறகு மாரிமுத்துவே தனது மகளை பலாத்காரம் செய்து கொன்று உடலை கடலில் வீசியுள்ளார் என்று அவரை போலீசார் கைது செய்தனர். இந்த வழக்கில் அவருக்கு தூக்கு தண்டனை விதித்து ராமநாதபுரம் மகளிர் கோர்ட்டு கடந்த ஆண்டு தீர்ப்பளித்தது. இந்த தண்டனையை உறுதி செய்வதற்காக வழக்கின் தீர்ப்பு மதுரை ஐகோர்ட்டுக்கு பரிந்துரை செய்யப்பட்டது.

இந்த வழக்கை நீதிபதிகள் சி.டி.செல்வம், ஏ.எம்.பஷீர்அகமது அடங்கிய அமர்வு விசாரித்தது.

இந்த வழக்கில் கோர்ட்டுக்கு உதவி செய்வதற்காக மூத்த வக்கீல் அனந்த பத்மநாபன் நியமிக்கப்பட்டார். வழக்கு விசாரணையின்போது அவர் ஆஜராகி, “சிறுமி இறந்த சம்பவம் நடந்து 3 ஆண்டுக்கு பின்னர் தான் மாரிமுத்துவை போலீசார் கைது செய்து ஒப்புதல் வாக்குமூலம் வாங்கியுள்ளனர். ஆனால் கடற்கரையில் இறந்து கிடந்த மகளை தன்னுடைய மடியில் போட்டு அழுது கொண்டு இருந்ததாக சாட்சிகள் தெரிவித்துள்ளனர். எனவே அவர் தனது மகளை பலாத்காரம் செய்து கொன்றதாக கூறுவது நம்பும்படியானதாக இல்லை“ என்றார். விசாரணை முடிவில் மாரிமுத்துவுக்கு கீழ்கோர்ட்டு விதித்த தூக்கு தண்டனையை ரத்து செய்து நீதிபதிகள் உத்தரவிட்டனர்.


தொடர்புடைய செய்திகள்

1. டாக்டர்களின் கோரிக்கையை நிறைவேற்றுவதில் உறுதியான முடிவு எடுக்க வேண்டும்; தமிழக அரசுக்கு, ஐகோர்ட்டு உத்தரவு
டாக்டர்களின் கோரிக்கையை நிறைவேற்றுவதில் உறுதியான முடிவு எடுக்க வேண்டும் என்று தமிழக அரசுக்கு, ஐகோர்ட்டு உத்தரவிட்டுள்ளது.
2. பேட்ட, விஸ்வாசம் படங்களுக்கு கூடுதல் கட்டணம் வசூலிக்கப்படுகிறதா? அதிகாரிகள் குழு ஆய்வு செய்ய ஐகோர்ட்டு உத்தரவு
மதுரை மாவட்டத்தில் பேட்ட, விஸ்வாசம் படங்களுக்கு கூடுதல் கட்டணம் வசூலிக்கப்படுகிறதா என்று அதிகாரிகள் குழு ஆய்வு செய்ய ஐகோர்ட்டு உத்தரவிட்டுள்ளது.
3. அவனியாபுரம் ஜல்லிக்கட்டு நடத்த நீதிபதி ராகவன் தலைமையில் குழு; மதுரை ஐகோர்ட்டு நியமித்தது
அவனியாபுரம் ஜல்லிக்கட்டு நடத்துவதற்கு ஓய்வு பெற்ற நீதிபதி ராகவன் தலைமையிலான குழுவை மதுரை ஐகோர்ட்டு நேற்று நியமித்தது.
4. எலியார்பத்தி சுங்கச்சாவடி வழியாக செல்லும் வாகனங்களுக்கு 30 சதவீத கட்டண விலக்கு அளித்ததை ரத்து செய்ய முடியாது; மதுரை ஐகோர்ட்டு உத்தரவு
எலியார்பத்தி சுங்கச்சாவடி வழியாக செல்லும் வாகனங்களுக்கு 30 சதவீத கட்டண விலக்கு அளிக்கும் உத்தரவை ரத்து செய்ய மறுத்து மதுரை ஐகோர்ட்டு உத்தரவிட்டுள்ளது.
5. ஐகோர்ட்டு உத்தரவுப்படி அருப்புக்கோட்டையில் ஊருணி ஆக்கிரமிப்புகள் அகற்றப்படாத நிலை; மாவட்ட நிர்வாகத்திடம் மனு கொடுத்தும் நடவடிக்கை இல்லை
அருப்புக்கோட்டையில் பொதுமக்கள் பயன்பாட்டில் இருந்த வன்னியர் ஊருணியில் ஆக்கிரமிப்புகளை அகற்றி மீண்டும் அதனை பொதுமக்கள் பயன்பாட்டிற்கு கொண்டு வர வேண்டும் என ஐகோர்ட்டு உத்தரவிட்ட பின்னரும், அதற்கான நடவடிக்கை ஏதும் எடுக்கப்படாத நிலை தொடர்கிறது.