மாவட்ட செய்திகள்

ஜோகேஸ்வரி, பன்வெலில் ரூ.27 கோடி போதைப்பொருள் பறிமுதல் + "||" + Jokesvari,In Panvel Rs 27 crore Drug seizure

ஜோகேஸ்வரி, பன்வெலில் ரூ.27 கோடி போதைப்பொருள் பறிமுதல்

ஜோகேஸ்வரி, பன்வெலில் ரூ.27 கோடி போதைப்பொருள் பறிமுதல்
ஜோகேஸ்வரி, பன்வெலில் பதுக்கி வைக்கப்பட்டு இருந்த ரூ.27 கோடி மதிப்பிலான போதைப்பொருள் பறிமுதல் செய்யப்பட்டது. இது தொடர்பாக 3 பேர் கைது செய்யப்பட்டனர்.
மும்பை,

மும்பை ஜோகேஸ்வரியில் உள்ள அடுக்குமாடி குடியிருப்பில் போதைப்பொருள் பதுக்கி வைக்கப்பட்டு இருப்பதாக வருவாய் புலனாய்வு பிரிவு அதிகாரிகளுக்கு ரகசிய தகவல் கிடைத்தது. இதன்பேரில் போலீசாருடன் அங்கு சென்று அதிரடி சோதனை நடத்தினர். அங்கு பதுக்கி வைக்கப்பட்டு இருந்த 33 கிலோ எடையுள்ள கேட்டமைன் என்ற போதைப்பொருளை கண்டுபிடித்து அதிகாரிகள் பறிமுதல் செய்தனர்.

இது தொடர்பாக அங்கு வசித்து வந்த ஜலந்தரை சேர்ந்த அக்சிந்தர் சிங் சோதி என்பவரை கைது செய்தனர்.

அவரிடம் நடத்திய விசாரணையில், பன்வெலில் உள்ள ஒரு தொழிற்சாலையில் அதிகளவில் போதைப்பொருள் பதுக்கி வைத்து மும்பை, கோவா மற்றும் வெளிநாடுகளுக்கு வினியோகம் செய்து வருவதாக தெரிவித்தார். இதையடுத்து அதிகாரிகள் பன்வெலில் உள்ள குறிப்பிட்ட ரசாயன தொழிற்சாலையில் சென்று அதிரடி சோதனை நடத்தினார்கள்.

இதில், அங்கிருந்த 279 கிலோ கேட்டமைன், 140 கிராம் கோகைன், 1.5 கிலோ ஓபியம், 7.8 கிலோ ஹஷிஷ் ஆகிய போதைப்பொருட்கள் பதுக்கி வைக்கப்பட்டு இருந்ததை கண்டுபிடித்து பறிமுதல் செய்தனர். இவற்றின் மொத்த மதிப்பு ரூ.27 கோடி ஆகும்.

அங்கிருந்த ராகுல் ஷேட்கே, அந்தோனி பால் ஆகிய இருவரும் கைது செய்யப்பட்டனர். அவர்கள் மீது வழக்கு பதிவு செய்யப்பட்டு விசாரணை நடந்து வருகிறது.



தொடர்புடைய செய்திகள்

1. சிவகாசியில் பதுக்கி வைக்கப்பட்டிருந்த ரூ.1 கோடி பட்டாசுகள் பறிமுதல்; 3 பேர் கைது
சிவகாசி அருகே குடோன் மற்றும் லாரி செட்டில் பதுக்கி வைக்கப்பட்டிருந்த ரூ.1 கோடி மதிப்புள்ள பட்டாசுகளை வருவாய்த்துறையினர் பறிமுதல் செய்தனர். இது தொடர்பாக பட்டாசு கடையின் உரிமையாளர் மற்றும் லாரி செட் உரிமையாளரை கைது செய்தனர்.
2. கோவை நீலாம்பூரில் சூதாட்ட கும்பல் கைது முன்னாள் கவுன்சிலர் உள்பட 20 பேரிடம் இருந்து ரூ.11 லட்சம் பறிமுதல்
கோவை நீலாம்பூரில் மெகா சூதாட்டம் நடத்திய அ.தி.மு.க. முன்னாள் கவுன்சிலர் உள்பட 20 பேர் கைது செய்யப்பட்டனர். இந்த கும்பலிடம் இருந்து 11 லட்சம் பணம், 4 சொகுசு கார்கள் பறிமுதல் செய்யப்பட்டன.
3. கைதிகளுக்கு சிறப்பு வசதியா? பாளையங்கோட்டை சிறையில் போலீசார் அதிரடி சோதனை 2 இரும்பு கம்பிகள் பறிமுதல்
கைதிகளுக்கு சிறப்பு வசதிகள் செய்யப்பட்டு உள்ளதா? என பாளையங்கோட்டை மத்திய சிறையில் போலீசார் அதிரடி சோதனை நடத்தினர்.
4. குஜராத்தில் இருந்து மும்பைக்கு மணல் கடத்தி வந்த 11 லாரிகள் பறிமுதல்
குஜராத்தில் இருந்து மும்பைக்கு மணல் கடத்தி வந்த 11 லாரிகள் பறிமுதல் செய்யப்பட்டன. டிரைவர்கள் கைது செய்யப்பட்டனர்.
5. மும்பை, டெல்லியில் 11 இடங்களில் அமலாக்கத்துறை சோதனை
மும்பை, டெல்லியில் உள்ள 11 இடங்களில் அமலாக்கத்துறை அதிகாரிகள் சோதனை நடத்தினார்கள். இதில் ரூ.29 லட்சம் ஹவாலா பணம் பறிமுதல் செய்யப்பட்டது.