மாவட்ட செய்திகள்

கடலூர் முதுநகர் அருகே விபத்து: டீக்கடைக்குள் அரசு பஸ் புகுந்தது; என்ஜினீயர் பலி + "||" + Accident near Cuddalore Mudnagar Engineer kills

கடலூர் முதுநகர் அருகே விபத்து: டீக்கடைக்குள் அரசு பஸ் புகுந்தது; என்ஜினீயர் பலி

கடலூர் முதுநகர் அருகே விபத்து: டீக்கடைக்குள் அரசு பஸ் புகுந்தது; என்ஜினீயர் பலி
கடலூர் முதுநகர் அருகே சாலையோரம் இருந்த டீக்கடைக்குள் அரசு பஸ் புகுந்ததில் என்ஜினீயர் பலியானார். இதுகுறித்து போலீசார் விசாரித்து வருகின்றனர்.
கடலூர் முதுநகர்,

குறிஞ்சிப்பாடி அருகே உள்ள பேய்க்காநத்தம் கிராமம் தெற்கு தெருவை சேர்ந்தவர் சண்முகம். இவரது மகன் செந்தில்குமார்(வயது 33). என்ஜினீயரிங் படித்துள்ள இவர், விடுதலை சிறுத்தைகள் கட்சி பிரமுகர் ஆவார். கடந்த 6 மாதத்திற்கு முன்பு இவருக்கு திருமணம் நடைபெற்றது.


இந்த நிலையில் நேற்று செந்தில்குமார் சொந்த வேலை காரணமாக தனது மோட்டார் சைக்கிளில் கடலூருக்கு வந்தார். பின்னர் அவர் ஊருக்கு திரும்பினார். அப்போது கடலூர் முதுநகர் அருகே உள்ள கண்ணாரப்பேட்டையில் மோட்டார் சைக்கிளை நிறுத்திவிட்டு அங்குள்ள ஒரு டீக்கடைக்கு சென்று டீ குடித்து கொண்டிருந்தார்.

அப்போது கடலூரில் இருந்து ஸ்ரீமுஷ்ணம் நோக்கி அரசு பஸ் ஒன்று சென்றது. இந்த பஸ் கண்ணாரப்பேட்டையில் சென்ற போது, சாலையின் குறுக்கே ஒரு மோட்டார் சைக்கிள் திடீரென சென்றது. இதனால் அந்த மோட்டார் சைக்கிள் மீது மோதாமல் இருக்க, டிரைவர் பஸ்சை திருப்பினார். இதில் அவரது கட்டுப்பாட்டை இழந்த பஸ் சாலையோர டீக்கடைக்குள் திடீரென புகுந்தது.

இதனால் கடைக்குள் இருந்தவர்கள் அங்கிருந்து ஓட்டம் பிடித்தனர். ஆனால் அங்கு டீ குடித்து கொண்டிருந்த செந்தில்குமார் மட்டும் கடைக்குள் சிக்கி கொண்டார். அவர் மீது பஸ் மோதியதில், பலத்த காயமடைந்தார். உடன் அங்கிருந்தவர்கள் அவரை மீட்டு சிகிச்சைக்காக கடலூர் அரசு மருத்துவமனைக்கு அனுப்பி வைத்தனர். அங்கு செந்தில்குமாரை பரிசோதனை செய்த டாக்டர்கள் அவர் ஏற்கனவே இறந்து விட்டதாக தெரிவித்தனர்.

இந்த விபத்து குறித்து கடலூர் முதுநகர் போலீசார் வழக்குப்பதிவு செய்து விசாரித்து வருகின்றனர். திருமணமான 6 மாதத்தில் செந்தில்குமார் உயிரிழந்து இருப்பது அந்த பகுதியில் பெரும் சோகத்தை ஏற்படுத்தி இருக்கிறது.

தொடர்புடைய செய்திகள்

1. சீனாவில் நிலக்கரி சுரங்கத்தில் ஏற்பட்ட திடீர் விபத்தில் 19 பேர் பலி
சீனாவில் நிலக்கரி சுரங்கத்தில் ஏற்பட்ட விபத்தில் 19 பேர் பலியாகினர்.
2. அம்மாபேட்டை பகுதியில் 150 ரே‌ஷன் கடைகளில் பொங்கல் பரிசு வழங்காமல் பணியாளர்கள் புறக்கணிப்பு
விபத்தில் ஊழியர் இறந்ததை கண்டித்து அம்மாபேட்டை பகுதியில் உள்ள 150 ரே‌ஷன் கடைகளில் பொங்கல் பரிசு வழங்காமல் பணியாளர்கள் பணியை புறக்கணித்தனர்.
3. கடலூர் பாலியல் வன்கொடுமை வழக்கு: மதபோதகர் அருள்தாசுக்கு 30 வருட சிறை தண்டனை
கடலூரில் சிறுமிகளை கடத்தி பாலியல் கொடுமை செய்த வழக்கில் பாதிரியார் அருள்தாசுக்கு 30 ஆண்டுகள் சிறை தண்டனை விதிக்கப்பட்டுள்ளது.
4. குளச்சலில் குடோனில் தீ விபத்து
குளச்சல் துறைமுகம் தெருவை சேர்ந்தவர் ராஜேஷ். இவருக்கு சொந்தமான தோட்டம் சைமன்காலனியில் உள்ளது. இந்த தோட்டத்தில் மீன்பெட்டிகளை அடுக்கி வைப்பதற்கான குடோன் உள்ளது. நேற்று அந்த குடோனில் திடீரென தீ விபத்து ஏற்பட்டது.
5. கடலூரில் இரு சிறுமிகள் பாலியல் பலாத்காரம் செய்யப்பட்ட வழக்கில் 16 பேர் குற்றவாளிகள் என தீர்ப்பு
கடலூரில் இரு சிறுமிகள் பாலியல் பலாத்காரம் செய்யப்பட்ட வழக்கில் 16 பேர் குற்றவாளிகள் என கோர்ட்டு தீர்ப்பளித்தது.