புனேயில் போலீசார் மீது தாக்குதல்; 7 பேர் கைது

புனே,

புனே, தாலேகாவ்- சாக்கன் ரோட்டில் சம்பவத்தன்று இரவு 3 போலீசார் வேனில் சென்று கொண்டு இருந்தனர். காலும்ரே கிராம பகுதியில் சென்றபோது, முன்னால் சென்றுகொண்டிருந்த ஒரு டிராக்டர் மோட்டார் சைக்கிள் மீது மோதிவிட்டு நிற்காமல் வேகமாக சென்றது.

டிராக்டர் மோதியதில் மோட்டார் சைக்கிளில் இருந்த 2 பேர் படுகாயமடைந்தனர். எனவே போலீசார் அந்த டிராக்டரை துரத்தி சென்று சிறிது தூரத்தில் மடக்கி பிடித்தனர்.

இதனால் கோபம் அடைந்த டிராக்டரில் இருந்தவர்கள் போலீசாருடன் கடும் வாக்குவாதத்தில் ஈடுபட்டனர். திடீரென அந்த கும்பலை சேர்ந்தவர்கள் போலீசாரை தாக்கினர். இது குறித்து தகவல் அறிந்து கூடுதல் போலீசார் சம்பவ இடத்திற்கு விரைந்து வந்தனர். அவர்கள் போலீசாரை தாக்கியதாக அந்த கும்பலை சேர்ந்த 7 பேரை கைது செய்தனர். மேலும் பலரை தேடிவருகின்றனர்.

இந்த சம்பவம் குறித்து போலீசார் வழக்குப்பதிவு செய்து விசாரணை நடத்தி வருகின்றனர்.