மாவட்ட செய்திகள்

கருங்கல் அருகே கேரளாவுக்கு காரில் கடத்த முயன்ற 500 லிட்டர் மண்எண்ணெய் பறிமுதல் + "||" + 500 liters of millet was seized in the car near Kerala by car

கருங்கல் அருகே கேரளாவுக்கு காரில் கடத்த முயன்ற 500 லிட்டர் மண்எண்ணெய் பறிமுதல்

கருங்கல் அருகே கேரளாவுக்கு காரில் கடத்த முயன்ற 500 லிட்டர் மண்எண்ணெய் பறிமுதல்
கருங்கல் அருகே கேரளாவுக்கு காரில் கடத்த முயன்ற 500 லிட்டர் மண்எண்ணெய்யை பறக்கும் படை அதிகாரிகள் பறிமுதல் செய்தனர்.
கருங்கல்,

குமரி மாவட்டத்தில் ரே‌ஷன் கடைகளில் இலவசமாக வழங்கப்படும் அரிசி, மானிய விலையில் வினியோகம் செய்யப்படும் மண்எண்ணெய் ஆகியவற்றை சிலர் மலிவு விலைக்கு வாங்கி கேரளாவுக்கு கடத்தி சென்று அதிக விலைக்கு விற்பனை செய்து வருகிறார்கள். மேலும், மீனவர்களுக்கு மானிய விலையில் வழங்கப்படும் மண்எண்ணெயும் கேரளாவுக்கு கடத்தி செல்லப்படுகிறது.


இதை தடுக்க மாவட்டத்தின் எல்லையில் சோதனை சாவடிகள் அமைத்து போலீசார் கண்காணித்து வருகிறார்கள். மேலும், வருவாய்துறை அதிகாரிகள் ரோந்து சென்று கடத்தல் பொருட்களை பறிமுதல் செய்கிறார்கள். ஆனாலும், கடத்தல்காரர்கள் சொகுசு கார், அரசு பஸ் என தொடர்ந்து கடத்தலில் ஈடுபட்டு வருகிறார்கள்.

இந்தநிலையில், மாவட்ட பறக்கும்படை தனி தாசில்தார் ராஜசேகர் தலைமையில், துணை தாசில்தார் முருகன், வருவாய் ஆய்வாளர் ராதாகிருஷ்ணன் ஆகியோர் கருங்கல் அருகே எட்டணி பகுதியில் ரோந்து பணியில் ஈடுபட்டிருந்தனர். அப்போது, அந்த வழியாக வேகமாக வந்த சொகுசு காரை நிறுத்துமாறு சைகை காட்டினர். டிரைவர் காரை நிறுத்தாமல் வேகமாக ஓட்டி சென்றார்.

உடனே, அதிகாரிகள் ஜீப்பில் காரை துரத்தி சென்றனர்.  மூசாரி பகுதியில் சென்ற போது காரை மடக்கி பிடித்தனர். உடனே, டிரைவர் வாகனத்தை நிறுத்தி விட்டு இறங்கி தப்பி ஓடினார்.

தொடர்ந்து காரை சோதனையிட்ட போது, அதில் பிளாஸ்டிக் கேன்களில் 500 லிட்டர் மண்எண்ணெய் இருந்தது. இந்த மண்எண்ணெய் கேரளாவுக்கு கடத்தி செல்ல முயன்றது தெரிய வந்தது. இதையடுத்து அதிகாரிகள் காரையும், மண்எண்ணெய்யையும் பறிமுதல் செய்தனர். மண்எண்ணெய்யை இனயம் அரசு குடோனிலும், வாகனத்தை கல்குளம் தாலுகா அலுவலகத்திலும் ஒப்படைத்தனர். மேலும், தப்பி சென்ற டிரைவர் யார்? என்பது குறித்து விசாரணை நடத்தி வருகிறார்கள்.


தொடர்புடைய செய்திகள்

1. அனுப்பர்பாளையம் பகுதியில் திருட்டு வழக்குகளில் தொடர்புடைய 2 பேர் கைது
அனுப்பர்பாளையம் பகுதியில் பல்வேறு திருட்டு வழக்குகளில் தொடர்புடைய 2 பேரை கைது செய்து அவர்களிடம் இருந்து ரூ.2 லட்சம் நகை மற்றும் பணத்தை போலீசார் பறிமுதல் செய்தனர்.
2. செம்பட்டி அருகே: 4 மண்ணுளி பாம்புகள் பறிமுதல் - இலங்கை அகதிகள் 2 பேர் கைது
செம்பட்டி அருகே விற்பனை செய்ய பதுக்கி வைத்திருந்த 4 மண்ணுளி பாம்புகளை போலீசார் பறிமுதல் செய்தனர். இதுதொடர்பாக இலங்கை அகதிகள் 2 பேரை கைது செய்தனர்.
3. ரூ.2 கோடி செம்மர கட்டைகள் பறிமுதல்: வாகன பழுது பார்க்கும் மைய உரிமையாளர் கைது 2 பேருக்கு வலைவீச்சு
ரூ.2 கோடி செம்மர கட்டைகள் பறிமுதல் செய்யப்பட்ட வழக்கில் வாகன பழுது பார்க்கும் மைய உரிமையாளர் கைது செய்யப்பட்டார். மேலும் 2 பேரை வனத்துறையினர் தேடி வருகின்றனர்.
4. திருச்சி விமான நிலையத்தில் தொடரும் சம்பவம் ரூ.4 லட்சம் வெளிநாட்டு பணம் பறிமுதல்
திருச்சி விமான நிலையத்தில் ரூ.4½ லட்சம் வெளிநாட்டு பணம் பறிமுதல் செய்யப்பட்டது. சிவகங்கை பயணியிடம் அதிகாரிகள் விசாரணை நடத்தி வருகின்றனர்.
5. நொய்யல் அருகே வீட்டில் பதுக்கி வைத்திருந்த வெடிமருந்து பறிமுதல் கல்குவாரி உரிமையாளர் கைது
நொய்யல் அருகே வீட்டில் வெடிமருந்து பதுக்கி வைத்திருந்த கல்குவாரி உரிமையாளரை போலீசார் கைது செய்தனர்.